10.12.2020 | 14:26

Оҕолор төрөппүтэ суох саҥа дьыллыыллар

Оҕолор төрөппүтэ суох саҥа дьыллыыллар
Ааптар: Киин Куорат
Бөлөххө киир

Бу туһунан куорат баһылыгын социальнай боппуруостарга солбуйааччы Наталья Степанова «Россия 24» ханаалга «Прямой эфир с городом» биэриигэ иһитиннэрдэ.

Наталья Романовна пандемия кэмигэр олохтоох дьаһалта социальнай эйгэҕэ үлэтин, киин куорат оскуолаларыгар үөрэх хайдах тэриллэрин туһунан кэпсээтэ. Баһылык солбуйааччыта оскуолаларга уонна оҕо уһуйааннарыгар саҥа дьыллааҕы утренник хайдах тэриллэрин быһаарда.Ол курдук, аактабай, музыкальнай уонна спорт саалаларыгар дезинфекция үлэтин учуоттаан, тэрээһиннэр балтараа чаас арыттаах буолуохтара. 

«Үөрэх тэрилтэлэригэр туспа бөлөхтөрүнэн саҥа дьыллааҕы утренниктар ыытыллар графиктара оҥоһулунна. Онно төрөппүттэр кыттыбаттар уонна саататар-аралдьытар аниматордар ыҥырыллыбаттар», – диэн иһитиннэрдэ Наталья Романовна. 

Киин куоракка үөрэх тэрилтэлэригэр коронавируһу утары үлэ күннэтэ ыытыллар. Роспотребнадзор ирдэбиллэрин толорор туһугар куорат бүддьүөтүттэн 41 мөлүйүөн солкуобай үп көрүллүбүт.

«Үөрэх бары тэрилтэлэригэр, эбии үөрэхтээһин тэрилтэлэрин киллэрэн туран, дезинфекциялыыр сириэстибэлэр, хас биирдии кэбиниэккэ рециркулятордар ылыллыбыттара, туох баар киирэр-тахсар ааннарга анал термометрдар, илии ыраастанар дозатордар тураллар», – диэн баһылык солбуйааччыта кэпсээтэ уонна киин куорат бөдөҥ оскуолаларыгар тепловизордары уонна чааһынай уһуйааннарга рециркулятордары тиэрдибитин иһин үөрэх министиэристибэтигэр махтанна. 

Быһа эфир кэмигэр куорат олохтоохторо кэпсэтиигэ кыттыстылар. Ол курдук, кириип утары вакцинация туһунан ыйытыы киирдэ.

«Дьокуускай куоракка кириип утары вакцинация болдьоҕо уһатылынна. Тоҕо диэтэххэ, вакцина бастакы уочаратынан өрөспүүбүлүкэ ыраах улуустарыгар ыытыллыбыта. Киин куорат вакцинанан сэтинньи 15 күнүгэр толору хааччыллыбыта», – диэн хоруйдаата Наталья Романовна.

Баһылык солбуйааччыта Дьокуускай куоракка үөрэхтээһин саҥа эбийиэктэрэ киирбиттэрин туһунан кэпсээтэ.

«Бүгүҥҥү күҥҥэ оҕо уһуйааннарыгар 1 131 миэстэ эбии көрүлүннэ, оскуолаларга – 1 108 миэстэ. 5 №-дээх оскуолаҕа уонна Саха политехническай лицейгэ эбии эбийиэктэр ылыллыбыттара. Сотору кэминэн 31 №-дээх оскуолаҕа салҕааһын уонна 203-с микрооройуоҥҥа 360 миэстэлээх саҥа оскуола үлэҕэ киириэҕэ», — диэтэ Наталья Романовна.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...