01.06.2020 | 07:56

Оҕо көмүскэлин күнүнэн!

Оҕо көмүскэлин күнүнэн!
Ааптар: Киин Куорат

Бэс ыйын 1 күнүгэр Дьокуускайга үгэскэ кубулуйбут кэрэ бырааһынньыгы – Оҕо көмүскэлин күнүн бэлиэтиибит. Быйыл, хомойуох иһин, бу күнү күргүөмүнэн көрсөр кыахпыт суох эрээри, дьиэ кэргэнинэн эҕэрдэлэһэрбитин ким да мэһэйдээбэт. Киин куоракка үүнэр көлүөнэҕэ сүҥкэн болҕомто ууруллар. Билигин Дьокуускай оскуолаларыгар 47 тыһыынча оҕо үөрэнэр. Кинилэр бары – үөрэнээччилэр уопсастыбаннай хамсааһыннарын чилиэннэрэ. “Юный горожанин” фестивальга “Параллель-62” коворкинг-киин үөрүүлээх аһыллыыта буолбута. Манна көхтөөх, инникигэ эрэллээх, дьулуурдаах оҕолор түмсэллэр. Кинилэртэн саҥа арыйыылары, чаҕылхай кыайыылары күүтэбит. Күндү оҕолор! Сайыҥҥы сынньалаҥҥытыгар элбэхтик ааҕыҥ, тыллары үөрэтиҥ, доҕордоһуҥ уонна хайаан да ыра санааҕытынан кынаттаныҥ. Баҕа санаата суох киһи олоххо тугу да ситиспэт. Оттон биһиги, улахан дьон, эһиэхэ киин куорат, бүтүн дойду, аан дойду дьоһун дьоно, киэн туттар олохтоохторо буоларгытыгар баҕарабыт. Оскуоланы бүтэрээри, олох саҥа түһүмэҕэр үктэнээри сылдьар оҕолору эҕэрдэлиибин. Кырдьык, эһиги улааттыгыт, ол эрээри оҕо саастан тахса илик дьоллооххут. Олох киэҥ аартыга, үрдүк эппиэтинэс, саҥа саҕахтар уонна муҥура биллибэт кыах – барыта иннигитигэр. Эксээмэннэргитигэр ситиһиилэри, бэйэҕит суолгутун-иискитин булунаргытыгар уонна идэҕитин сөпкө таларгытыгар баҕарабын! Ытыктабыллаах төрөппүттэр, оҕолорбут хайдах дьон буолан тахсаллара биһигиттэн эмиэ тутулуктаах. Бүгүн тугу гынарбыт барыта кэнчээри ыччаппыт туһугар оҥоһуллар. Куорат эдэркээн олохтоохторун иитэн-үөрэтэн, куораппыт, өрөспүүбүлүкэбит, дойдубут саргылаах сарсыҥҥытын, инники кэскилин түстүүбүт. Хас биирдии оҕо үөрэхтээх, чэгиэн доруобуйалаах, сөбүлүүр дьарыктаах буоларын, айар дьоҕурун туһанарын ситиһиэхтээхпит. Оттон бүгүн оҕоҕо саамай сүрүнэ – дьоллоох дьиэ кэргэнэ. Дьокуускай куорат Олохтоох дьаһалтатын, тус бэйэм ааппыттан учууталлары, иитээччилэри, социальнай үлэһиттэри эҕэрдэлиибин, үүнэр көлүөнэни иитиигэ кыһамньыгыт иһин махтанабын. Сыралаах үлэҕитигэр тулууру, энчирээбэт эрчими уонна ситиһиилэри баҕарабын. Оҕолорго көрдөөх, күлүм-чаҕыл күннээх, умнуллубат сынньалаҥы! Кустук өҥүнүү дьэрэкээн түгэннэри, дьоллоох оҕо сааһы!

Дьокуускай куорат баһылыга Сардаана Авксентьева

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Киин куорат  мураллара
Куорат олоҕо | 11.09.2021 | 13:17
Киин куорат мураллара
Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр. Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт.  Мурал – дьиэ эркинигэр эбэтэр иһигэр уруһуйданар уустук ойуу.   «Айыыһыт» Ханна баарый? Лермонтов уул., 56, Щорс...
Тамара Верховцева: «Куһаҕаны, үчүгэйи барытын кэпсиибин»
Дьон | 14.09.2021 | 13:30
Тамара Верховцева: «Куһаҕаны, үчүгэйи барытын кэпсиибин»
Хаһыаппытыгар дөрүн-дөрүн ураты дьоҕурдаах, айдарыылаах дьону тиһигин быспакка сырдатабыт. Манна даҕатан эттэххэ, кинилэр бэйэлэрин талааннарын кэмэ кэллэҕинэ эрэ биирдэ кэпсииллэр. Бүгүҥҥү дьоруойбун кытта бу кыһын кэпсэтиэхтээх этибит да, кэмэ илик буолан, соннук хаалан хаалбыта. Тамара Прокопьевна Верхоцевалыын төлөпүөнүнэн сэһэргэстим. - Дорообо! Саха дьонун сиэринэн кэпсэтиибитин бэйэҕин билиһиннэрииттэн саҕалыахха... - Үөһээ...