13.04.2022 | 18:00

Норуоттар ыккардыларынааҕы научнай-прикладной семинар ыытылынна

Норуоттар ыккардыларынааҕы научнай-прикладной семинар ыытылынна
Ааптар: Киин Куорат

Муус устар 13 күнүгэр Олохтоох дьаһалта, Гуманитарнай чинчийиилэр уонна хотугу аҕыйах ахсааннаах норуоттар кыһалҕаларын үөрэтэр институт уонна «Арчы дьиэтэ» духуобунай култуура киинэ кыттыһан, Саха АССР төрүттэммитэ 100 сыллаах уонна Туймаада ыһыаҕын 25 сыллаах үбүлүөйдээх тэрээһиннэрин чэрчитинэн норуоттар икки ардыларынааҕы научнай-прикладной семинары ыыттылар.

«Традиционный праздник Ыhыах – нематериальное культурное наследие степной Евразии: ресурсы и стратегии репрезентации» диэн научнай-прикладной семинар сирэй уонна дистанционнай (zoom) көрүҥүнэн буолан ааста. Дистанционнай көрүҥүнэн өрөспүүбүлүкэ муниципальнай тэриллиилэрэ уонна атын регионнартан кытыннылар. Биһиги учуонайдарбытын сэргэ семинарга эксперт быһыытынан Новосибирскайтан, Улан-Удэттан, Казаньтан, СНГ дойдуларыттан:  Казахстантан, Кыргызстантан, Узбекистантан уонна  Азербайджантан учуонайдар үлэлэстилэр. 

Семинар чэрчитинэн ат култууратыгар (конная культура), Сибиир уонна Киин Азия көһө сылдьар норуоттарын кымыстаах бырааһынньыктарыгар сыһыаннаах кыһалҕалары дьүүллэстилэр. Ураты болҕомто Истиэп култууратын ураты бырааһынньыгар – ыһыахха уурулунна, ыһыах хотугу өрөспүүбүлүкэ бэлиэ суолталаах хапытаалын быһыытынан сайдыытын тула кэпсэттилэр. Ыһыах элбэх ресурсалаах ис кыахтаах бырааһынньык буолан, норуоттар икки ардыларынааҕы статустаах. Бу күннэргэ диэри тиийэн кэлбит саха норуотун сүрүн бырааһынньыга түүр омук төрүттээҕин  учуонайдар быһаарбыттар. Ыһыахха олоҕуран түүр норуоттарын сааскы үгэстэрин ситиһиилээхтик сөргүтүөххэ сөп диэн этилиннэ.

Семинар түмүгүнэн кыттааччылар этиилэри уонна сүбэлэри киллэрдилэр:

•              Ыһыаҕы киһи аймах материальнайа суох нэһилиэстибэтин репрезентативнай испииһэгэр киллэрэргэ Саха Өрөспүүбүлүкэтин Бырабыыталыстыбатын таһымыгар хамыыһыйаны тэрийэргэ, ити бырайыак олоххо киириитигэр туһуламмыт тэрээһиннэр былааннарын оҥорорго;

•              Научнай чинчийиилэргэ уонна музей кэллиэксийэтигэр олоҕуран, саха норуотун сиэрин-туомун, ойуутун-мандарын уонна бэлиэлэрин систиэмэлииргэ үлэни саҕалыырга;

•              Ыһыаҕы киэҥник тарҕатар сыаллаах:

      - «Энциклопедия традиционной культуры народов Якутии» үлэтин саҕалыырга;

      - Е.Н. Романова «Якутский праздник ысыах: истоки и    представления»  монографиятын (Новосибирскай, 1994), А.И. Гоголев  «Истоки мифологии и традиционный календарь» (Якутск, 2002) үлэтин хос бэчээттииргэ уонна «Ысыах Туймаады» кинигэни таһаарарга;

     -  Ыһыах туһунан документальнай киинэни устарга;

     - Кыраныысса таһыттан уонна Арассыыйаттан эксперт-учуонайдар кыттыылаах «Судьба национального праздника Ысыах (прошлое, настоящеее и будущее)» норуоттар икки ардыларынааҕы научнай конференцияны тэрийэргэ. Итини сэргэ семинарга уо.д.а. туһааннаах, кэскиллээх этиилэр киирдилэр.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...