30.04.2020 | 11:30

Нэдиэлэтээҕи гороскоп. 30.04.2020 - 07.05.2020

Нэдиэлэтээҕи гороскоп. 30.04.2020 - 07.05.2020
Ааптар: Киин Куорат

Бараан

Нэдиэлэҥ элбэх сонунтан саҕаланыа. Барыта өйдөнүмтүө буолуо, партнердаргын кытта уопсай тылы булуоҥ. Оптуорунньукка дьиэҕэр улахан дьыаланы саҕалыаххын сөп. Ас-үөл саппааһын көр, бэрэбиэркэлээ, атыылас, хаһаан. Даача үлэтинэн, арассааданан дьарыктан. Бээтинсэҕэ дьахталларга ситиһиилээх күн. Эр дьон кыра аайыттан кыйытта сылдьыахтарын сөп. Өрөбүллэргэ бытархай ону-маны үлэлээ, дьиэ кэргэҥҥин кытта сынньан.

Оҕусчаан

Бу нэдиэлэҕэ туох да бөдөҥү атыылаһыма. Оттон дьиэ-уот, учаастак атыылаһар санааланнаххына оптуорунньукка ылыс. Сэрэдэҕэ уонна чэппиэргэ аа-дьуо сырыт, улахан тугу да саҕалаама. Бээтинсэҕэ уонна субуотаҕа дьиэҕэр туох эрэ тэрээһин оҥорорго, уопсай дьыала саҕалыырга, аймахтаргар көмөлөһөргө ситиһиилээх күннэр. Өрөбүллэри доҕотторгун кытта сибиэһэй салгыҥҥа атаар.

Игирэлэр

Игирэлэр олохторугар элбэх соһуччу быһыы-майгы тахсыа. Салайааччыгын кытта кэпсэтии ыытыаххын сөп. Дуогабардары тута оҥорсон ис. Чэппиэргэ сэрэхтээх буол. Иирсээҥҥэ киирэн биэримэ, дьиэҕиттэн хойут тахсыма. Бээтинсэ уонна субуота нэдиэлэҥ бастыҥ күннэрэ. Сөбүлэҥ, дуогабар оҥорсуоххун сөп, тугу эрэ сүрэҕиҥ сөбүлүүрүн атыылаһыаҥ.

Араак

Нэдиэлэ бастакы аҥаарыгар дьиэтээҕи дьыалаҕа, өрөмүөҥҥэ, чугас дьоҥҥор көмөлөһөргө бастыҥ кэмнэр. Хамсаабат хапытаал эбэтэр учаастак атыылаһыаххын сөп. Оптуорунньукка сүбэ-ама ыларга, медицинскэй чинчийиигэ сылдьарга ситиһиилээх күн. Үлэҕэр бэрэбиэркэ кэлиэн сөп. Субуотаҕа дьону кытта кэпсэт, көрүс, сынньалаҥҥын туһалаахтык атаар.

Хахай

Ааспыт нэдиэлэҕэ саҕалаабыккын ситэриэҥ-хоторуоҥ. Саҥа ноҕуруускаҕа, этиилэргэ кыайыам суоҕа диэтэххинэ сөбүлэһимэ. Бэнидиэнньиккэ уонна оптуорунньукка үтүө уларыйыылар күүтэллэр. Уоппускаҕа олорор буоллаххына, дьиэҥ иһин уларытыынан дьарыктан. Субуотаҕа, өрөбүлгэ урут сыыспыттаргын көннөр, дьиэҕэр олор, минньигэс астаах остуолла тэрий.

Кыыс Куо

Бэнидиэнньиктэн саҕалаан саҥа дьыалаларга киириэххин сөп. Үп-харчы эпэрээссийэтин оҥорууга оптуорунньук барсар. Сэрэдэҕэ уонна чэппиэргэ иллэҥ буолуоҥ суоҕа. Ноҕуруускаҕын аччат. Улахан дьыалалары ылсарга тиэтэйимэ. Кимиэхэ эрэ, туох эрэ иэстээх буолан тахсыаххын сөп. Нэдиэлэҥ сүрүн дьыалатын бээтинсэҕэ бэлэмнээ. Субуотаны болҕомтону эрэйэр тус сыһыаҥҥа анаа. Өрөбүлгэ ким эрэ эйигин албынныан сөп, онон сэрэнэ сырыт.

Ыйааһыннар

Саамай суолталааҕы бэнидиэнньиккэ уонна оптуорунньукка оҥор. Олус интэриэһиргээн оҥорбут үлэлэриҥ: интэриниэтинэн, оҕуруот ыһыыта, баайыы, иистэнии үчүгэй түмүктэри аҕалыахтара. Харчыгын харыстаа. Иэс ылыма да, биэримэ да. Бу нэдиэлэҕэ туох эрэ хаачыстыбата суохха эбэтэр албыҥҥа түбэһиэххин сөп. Өрөбүл күннэргэ арыгы иһимэ. Бэйэҥ тугу сөбүлүүргүнэн дьарыктан.

Ооҕуй

Нэдиэлэ бастакы аҥаарыгар дуогабардары оҥорус, кэпсэтиилэри ыытыс. Доруобуйаҕын тупсарарга ууну кытта сибээстээх эмтэниини туһан. Чэппиэргэ уонна бээтинсэҕэ уруулга сэрэхтээх буол. Өрөбүллэргэ диэри бэйэҕин харыстаммакка үлэлээ. Өрөбүллэргэ биир өйдөөх-санаалаах дьону кытта сырыт. Элбэх туһалаах иһитиннэрии ылыаҥ.

Охчут

Хас биирдии хардыыгын толкуйдаан оҥор. Уһун кэмҥэ үлэлэһэр дьоҥҥун сэрэнэн тал. Бу тус олоххор эмиэ сыһыаннаах. Бэрэбиэркэни ааспатах партнердаргын кытта сибээстэһимэ. Чэппиэргэ ханна эрэ чаҕылыҥнаа, өйгүнэн уонна сатабылгынан тулалыыр дьоҥҥун, социальнай да ситимҥэ буоллун, салыннар. Өрөбүллэргэ дьыалабыай кэпсэтиилэри ыыт. Ол быыһыгар сынньанаргын умнума.

Чубуку

Бэнидиэньиккэ уонна оптуорунньукка туох эрэ бөдөҥү атыылаһыаххын, салайааччыгар киирэн интэриэскин көмүскүөххүн сөп. Дьыалаҕар болҕомтолоох буол, ыыталыыр иһитиннэриилэргин үчүгэйдик бэрэбиэркэлээ. Тылынан эрэннэриилэргэ итэҕэйимэ. Араас соһуччу түгэннэргэ бэлэм сырыт. Саҥаны киллэрэргэ ыксаама. Өрөбүллэргэ төһө баҕарар дуогабар оҥорсуоххун сөп. Бу күннэргэ былааннаабытыҥ барыта олоххо киириэхтэрэ.

Күрүлгэн

Хас да дьыала тэҥинэн кэллэҕинэ да наһаа тиэтэйимэ, долгуйума. Барытын наардаа уонна көмөтө ыҥыр. Кумааҕы үлэтэ, бэрийиитэ күүтэр. Тапталга ситиһии, истиҥ билсиһиилэр тосхойуохтара. Чэппиэргэ ону-маны хомун, бу күн араас сонун, түгэн күүтэр. Муспут харчыгын харыстаа. Наадалааҕы эрэ атыылас, ол быыһыгар доруобуйаҕар харчыгын харыстаама.

Балыктар

Бэнидиэнньиктэн дьиэҥ-уотуҥ олоҕо, романтическай сыһыан тупсан барыа. Ханнык баҕарар боппуруоска биир тылы булуоххут. Эн куоласкын ахтыбыт, суохтаабыт дьоҥҥор төлөпүөннээ. Бэнидиэнньиккэ уонна оптуорунньукка туох эрэ бөдөҥү атыылаһыаххын сөп. Чэппиэргэ чуумпу сиргэ сырыт, олор. Өрөбүллэргэ айар дьоҕуруҥ сайдыа. Рекламанан дьарыктан, кэпсэтиилэри тэрий.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Саха төрүт култууратын өйүүр Ыйаахха илии баттанна
Сонуннар | 20.06.2022 | 12:40
Саха төрүт култууратын өйүүр Ыйаахха илии баттанна
Ил Дархан Айсен Николаев Саха өрөспүүбүлүкэтин эпоһын харыстыыр уонна бөҕөргөтөр ыйаахха илии баттаата. Үөһээ Бүлүүгэ ыытыллар Олоҥхо Ыһыаҕын аһыллар үөрүүлээх күнүгэр  «Олоҥхо дьиэлэрин биир кэлим ситимин уонна олоҥхоһуттары, оһуохайдьыттары, уустары – төрүт култуураны илдьэ сылдьар дьону судаарыстыба өйүүрүн туһунан» ыйаах олоххо киирдэ.   “Бу ыйаах өбүгэлэрбит хаалларбыт нэһилиэстибэлэрин харыстыырга уонна көлүөнэттэн...
Ыһыахха оптуобуһунан барар табыгастаах
Сонуннар | 19.06.2022 | 10:51
Ыһыахха оптуобуһунан барар табыгастаах
Үс Хатыҥ архитектура уонна этнография комплексыгар Туймаада Ыһыаҕар бэлэмнэнии тэтимирдэ.  Бэс ыйын 18 күнүгэр СӨ бырабыыталыстыбатын бэрэссэдээтэлин солбуйааччы Дмитрий Садовников оробуочай мунньаҕы ыытта. Мунньахха Дьокуускай баһылыгын солбуйааччы Антон Алексеенко, тустаах тэрилтэлэр үлэһиттэрэ, бэдэрээттээх тэрилтэлэр кытыннылар.  Антон Алексеенко иһитиннэрбитинэн, Нам суолугар бара турар өрөмүөнүнэн сибээстээн ыһыахха айаны хайдах тэрийэллэрин ырыттылар. Үлэ...