19.03.2020 | 11:13

Нэдиэлэтээҕи гороскоп

Нэдиэлэтээҕи гороскоп
Ааптар: Киин Куорат
Бөлөххө киир

Бараан

Бу нэдиэлэ кулун тутар, ону ааһан бу сылгыт биир саамай эппиэтинэстээх нэдиэлэтэ буолуон сөп. Быһыы-майгы саҥа дьыалаларга, дьарыктарга сирдиэ, эдэрдэргэ – идэ талыытын, олоххутугар суолу, саҥа билсиһиилэри түстүө. Наадалаах сүбэни биэрэр киһини көрсүөххүтүн сөп. Оптуорунньукка уонна сэрэдэҕэ тургутук ааһыаххытын, этии ылыныаххытын, контракт оҥорсуоххутун сөп. Дьылҕа уларыйыылара барыта кэмигэр ааһыахтара. Өрөбүл күннэргэ ыалдьыттары көрсүҥ, туох эрэ улаханы атыылаһыҥ. Айаҥҥа уонна уоппускаҕа ситиһиилээх нэдиэлэ.

Оҕусчаан

Улахан дьыаланы, тэрээһини оҥорорго үтүө нэдиэлэ. Ыраахтан сонунна күүт. Ыалдьыттар кэлиэхтэрин эбэтэр ханна эрэ ыҥырыахтарын сөп. Сэрэдэҕэ уонна чэппиэргэ хамсаныылаах үлэ көмөлөһүө. Чэппиэргэ уонна бээтинсэҕэ саҥа идея тардан ылыа. Өрөбүллэргэ бары дьарыктарыҥ үөрүүнү аҕалыахтара.

Игирэлэр

Бэнидиэнньик киэһэ саҥа интэриэс, ис сүрэхтэн кэпсэтии күүтэр. Элбэх үлэ, араас таһымнаах билсиһиилэр тосхойуохтара. Дьон уопутун үөрэт, саҥа ньымалары боруобалаа. Өрөбүллэргэ сүтэрбит малгын булуоҥ эбэтэр интэриэһиргиир ыйытыыгар эппиэт кэлиэ.

Араак

Сулустар улахан ситиһиини мэктиэлииллэр. Бэнидиэнньиккэ сонуннарга болҕомтоҕун уур, салгыы тугу гынарыҥ биллиэ. Оптуорунньукка уонна сэрэдэҕэ дьиэ кэргэн бизнес-бырайыагын, атын да тэрээһиннэри былааннаа. Чэппиэргэ уонна бээтинсэҕэ ураты идеяларга болҕомтоҕун уур. Барыстаах бииргэ үлэлэһии тосхойуо. Өрөбүллэргэ туох эрэ сыаналааҕы атыылаһыаххын сөп.

Хахай

Урут долгуйа сылдьыбыт боппуруостарыҥ иккис былааҥҥа көһүөхтэрэ. Дьылҕаҥ саҥа уонна соһуччу быһыыны-майгыны бэлэмниир. Оптуорунньукка уонна сэрэдэҕэ карьераҕар уларыйыылар, саҥа үлэҕэ көһүү буолуон сөп. Харчыгын улахан бырайыакка угуоҥ. Чэппиэргэ уонна бээтинсэҕэ дьиэ кэргэниҥ эн болҕомтоҕор наадыйар. Өрөбүл күннэр холкутук, бэһиэлэйдик ааһыахтара.

Кыыс Куо

Бу нэдиэлэни суолталаах дьыалаларга анаа. Тугу да уларытар кыаҕыҥ суох буоллаҕына этиһиигэ уонна солуута суох сонуннарга бириэмэҕин бараама. Бэнидиэнньик киэһэни кэпсэтиигэ, медицинскэй диагностикаҕа анаа. Сэрэдэҕэ элбэх күүһү, үбү-харчыны эрэйэр саҥа дьыаланы саҕалыаххын сөп. Доруобуйаҕын көрүнэ сырыт. Өрөбүл күн тус сыһыаҥҥа үтүө кэм. Дьоһуннаах кэпсэтиини былааннаабыт буоллаххына – кэлин диэн уурума.

Ыйааһыннар

Саҥа бырайыактар толкуйу, ааҕыыны-суоттааһыны эрэйэллэр. Баҕа санааҕыттан туораама, ол эрэн эбии иһитиннэриини кэтэс. Аймахтаргын кытта көрсүһэн дьиэ кэргэҥҥитигэр улахан быһаарыныы ылыныаххыт. Чэппиэргэ уонна бээтинсэҕэ соһуччу көмө кэлиэ. Өрөбүллэргэ урукку баҕа санааҥ туолуо, онуоха бэйэҥ көмөлөһүөххүн наада.

Ооҕуй

Суолталаах уларыйыы кэлээри турар, онуоха тус бэйэҥ инникигэр наадалааҕы сомсон ылыаххын наада. Сэрэдэҕэ карьераҕар, тус олоххор дьоһуннаах хардыы оҥоруоххун сөп. Барытын эрдэттэн былааннаа, доҕотторгун кытта дьүүллэс. Субуотаҕа кимниин дьыаланы саҕалыыргар ис санааҕын иһит. Баҕа санааҥ олоххо киирэрин инниттэн хамсаныылары оҥорон ис.

Охчут

Аймахтаргын, тулалыыр дьоҥҥун кытта сыһыан саҥа ис хоһооннонуо. Бэнидиэнньик киэһэ кимниин эрэ истиҥ көрсүһүү күүтэр, эбэтэр ким эрэ ыраахтан сибээскэ тахсыа. Оптуорунньукка уонна сэрэдэҕэ үп-харчы боппуруоһа бастакы миэстэҕэ туруо. Туох эрэ улаханы атыылаһыаххын сөп – дьиэ, сир учаастага, инникитин сыаната ыарыа диэбит мал. Маны таһынан куурустары, үөрэҕи төлүөххүн сөп. Өрөбүлгэ бизнескэ саҥа тиэмэ күөрэйиэ. Бэйэҥ интэриэскин туруорсар сөптөөх дьону булаттаа.

Чубуку

Оптуорунньукка уонна сэрэдэҕэ саҥа уларыйыылары күүт. Үлэҕэр инникилээх хардыылары оҥор, тэтимҥин кэҥэт. Буола турар сабыытыйаны бэйэҥ хамсатыаххын наада. Маныаха доруобуйаҥ атахтыан сөп, настарыанньаҥ да уларыйа сылдьыа. Онон өрөбүл күннэргэ толору сынньан, дуоһуйа утуй.

Күрүлгэн

Төһө баҕарар дьыаланы тэҥинэн хамсатыаххын сөп. Сонуннары кэтэһэ сырыт. Оптуорунньукка уонна сэрэдэҕэ саҥа идеялар көтөн түһүөхтэрэ. Чэппиэргэ уонна бээтинсэҕэ спордунан дьарыктанарга, бытовой малы-салы туттарга сэрэхтээх буол. Ханна эрэ барыстаах дьыала баар буоллаҕына, атыттар толкуйдуу иликтэринэ ылса оҕус. Өрөбүлгэ дьиэҥ-уотуҥ иһин уларытар санааланнаххына тута ылсарыҥ ордук.

Балыктар

Оптуорунньукка уонна сэрэдэҕэ соҕотохсуйуоххун баҕарыаҥ. Үлэҕэр ситиһиилээх кэмнэр. Суолталаах кэпсэтиини сэрэдэ сарсыарда былааннаа. Чэппиэргэ уонна бээтинсэҕэ атын дьон иннигэр эрэннэрбиккин толор. Өрөбүлгэ спортка, айар үлэҕэ, романтикаҕа үтүө күн. Соһуччу ыалдьыттар кэлиэхтэрин эбэтэр дьиэҕэр кими эрэ көрсүөххүн сөп.

Сонуннар

Ордук ааҕаллар

Үгэскэ киирбит “Байанай күрэҕэ-2023”
Сонуннар | 18.03.2023 | 20:12
Үгэскэ киирбит “Байанай күрэҕэ-2023”
Төрүт өбүгэбит удьуорун төрдүн ытык ситимин тутаммыт, сардаҥалаах сырдык санаанан салайтаран, өбүгэлэрбит өйүө гынан хаалларбыт үтүөкэн үгэстэрин инники күөҥҥэ тутан, кыһарҕаннаах олохтоох кырыа кыһын кыйданыыта Хатаспытыгар 9-с төгүлүн “Байанай күрэҕин” ыыттыбыт.
Бэйэҕиттэн эрэ тутулуктаах
Сынньалаңңа | 17.03.2023 | 21:00
Бэйэҕиттэн эрэ тутулуктаах
Балаҕан ыйын ортото. Үөрэх маҥнайгы нэдиэлэтэ. Алтыс кылаас үөрэнээччитэ Айыына соччо баҕата суох аа-дьуо кылааһын диэки баран истэ. Сайыҥҥы сынньалаҥтан ситэ тэйэ илик оҕолор сүүрүү-көтүү, мэниктээһин кытаанаҕа.
Каролина Парфенова:  Чопчу Мандары оҥорор сыал суох этэ
Дьон | 18.03.2023 | 14:00
Каролина Парфенова: Чопчу Мандары оҥорор сыал суох этэ
Өрөспүүбүлүкэҕэ биир бастакынан сахалыы куукула оҥоруутунан дьарыктаммыт туспа суоллаах-иистээх ​Каролина Парфенова куукула нөҥүө бэйэм омугум дьүһүнүн, омук быһыытынан таҥаһын-сабын уратытын көрдөрөбүн диэн санаалаах.
Ый сырдыгар ыллык
Сынньалаңңа | 18.03.2023 | 21:00
Ый сырдыгар ыллык
Толору ый тулалыыр айылҕаны барытын алыптаах дьикти сырдыгынан толорор, туох эрэ ыраас, нарын иэйиинэн угуттуур. Биэс-алта саастаах уоллаах кыыс күп-күөх окко сытан, сулустары одуулаһаллар.