27.10.2023 | 18:00

Национальнай библиотека «Искусство түүнэ» аахсыйаны тэрийэр

Сэтинньи 4 күнүгэр Национальнай библиотека «Искусство түүнэ» сылын аайы ыытыллар култуурунай-сырдатар аахсыйаны тэрийэр.
Национальнай библиотека «Искусство түүнэ» аахсыйаны тэрийэр
Ааптар: Киин Куорат
Бөлөххө киир

Быйылгы Уһуйааччы уонна учуутал сылыгар анаммыт, 17:00 чаастан 23:00 чааска диэри ыытыллар тэрээһиҥҥэ киирии босхо.

Киин куорат олохтоохторун уонна ыалдьыттарын историческай наука кандидата, «Уран иис» устуудьуйа салайааччыта, доцент Светлана Петрованы-Уран Хатыҥ кытта саха таҥаһын туһунан кэпсэтии, биллиилээх режиссердар Степан Бурнашевы уонна Дмитрий Давыдовы кытта айар көрсүһүү, итиэннэ маастар-кылаастар, култуурунай-сырдатар быыстапкалар, куонкурустар, АГИКИ устудьуона Кирилл Павлов салайар «Хотон» ыччат арт-маркетын резиденнэрин уус-уран үлэлэрин сүрэхтэниитэ күүтэллэр. Тэрээһин чэрчитинэн аахсыйа кыттыылаахтарыгар планшет оонньонор.

Аахсыйа бырагыраамата:

17:00 ч. - «Саха сирин виртуозтара» Скрипачтар судаарыстыбаннай ансаамбыллара уонна М.Н. Жирков аатынан Дьокуускайдааҕы музыкальнай колледж устудьуоннара кыттыылаах тэрээһин үөрүүлээх аһыллыыта.

Буолар сирэ: сүрүн куорпус 2-с этээһин фойета.

17:00 - 20:00 ч. - Историческай наука кандидата, «Уран иис» устуудьуйа салайааччыта, доцент Светлана Петрованы-Уран Хатыҥ кытта айар көрсүһүү.

Буолар сирэ: сүрүн куорпус 2-с этээһэ, периодика салаата.

17:00 - 23:00 ч. – АГИКИ, Дьокуускайдааҕы художественнай училище, Технология уонна дизайн колледжын устудьуоннарын айар үлэлэрин быыстапката.

Буолар сирэ: сүрүн куорпус 2-с этээһин фойета.

19:00 - 20:00 ч. - Биллиилээх режиссердар Степан Бурнашевы уонна Дмитрий Давыдовы кытта айар көрсүһүү, «ЭТ» уус-уран киинэни дьүүллэһии.

Буолар сирэ: Историческай куорпус 2-с этээһэ.

17:00 – 23:00 ч. – «Хотон» ыччат арт-маркетын резиденнэрин тэрээһиннэрэ:

17:00 – 23:00 ч. – Резиденнэр үлэлэрин быыстапка-дьаарбаҥката.

17:00 - 20:00 ч. – Косплей куонкуруһугар регистрация.

18:00 - 18:30 ч. – Уруһуй куонкуруһа.

20:15 - 20:30 ч. - Дефиле уонна косплей күрэҕин түмүгэ.

21:15 - 21:45 ч. – Аныгы кинематографка анаммыт квиз-оонньуу.

22:15 - 22:30 ч. – Планшеты сүүйүү оонньуута.

Буолар сирэ: сүрүн куорпус 2-с этээһин фойета.

23:00 ч. – Тэрээһини үөрүүлээхтик түмүктээһин. Көҥүл микрофон.

Буолар сирэ: сүрүн куорпус 2-с этээһин фойета.

Планшеты сүүйэр оонньууга билиэттэри сүрүн куорпустан ылыахха сөп. 14 саастарыгар диэри оҕолор төрөппүттэрин кытта кэлэллэр. Тэрээһиҥҥэ кафе үлэлиэҕэ.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...