04.04.2022 | 13:40

Музейга – «Ситим» оҕо айымньытын дьиэтэ

Музейга – «Ситим» оҕо айымньытын дьиэтэ
Ааптар: Наталья РУФОВА

Быйылгы үбүлүөйдээх Хатас музейа тохсунньу ыйтан тохтоло суох үлэлии турар. Ол курдук, бастаан Хатас орто оскуолата саҕалаабыта, онтон Хатастааҕы оҕо искусствотын оскуолатын быыстапката турбута. Муус устар ыйыттан манна – «Ситим»  оҕо  айымньытын дьиэтэ. 

«Ситим» – баай устуоруйалаах,  үгүс элбэх ситиһиилээх, дьон-сэргэ махталын-тапталын ылыан ылбыт дьоһун тэрилтэ. Быыстапка үөрүүлээх аһыллыытынан олохтоох дьаһалта баһылыга Евгений Петрович Пермяков эҕэрдэлээтэ. 
«Ситим” күн бүгүн биэс хайысханан үлэлии турар. Уопсайа 763 оҕо сылдьар. Ол курдук манна авиа-, автомоделирование, экология, спорт уонна физическэй кулутура, туризм, профориентационнай, валяниеҕа, кыбытык тигии, кылтан, сиэлтэн, фоамирантан оҥоһуктарга, маһынан уһаныыга дьарыктыыр куруһуоктар үлэлииллэр. 
Быйылгы сылга үктэнэн баран биир дьоһун кыайыылара – 12-с төгүлүн ыытыллар ''Якутия мастеровая'' диэн регионнар икки ардыларынааҕы норуот уус-уран айымньытын быыстапкатыгар ситиһиилээхтик кытыннылар. Оттон үлэлэрин тус хайысхатынан Арассыыйа, норуоттар икки ардыларынааҕы таһымҥа тиийэ ситиһиилэрдээхтэр.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...