17.05.2022 | 16:00

Муниципальнай оҕо лааҕырдарыгар сурутуу саҕаланар

Муниципальнай оҕо лааҕырдарыгар сурутуу саҕаланар
Ааптар: Киин Куорат
Бөлөххө киир

Үөрэҕирии управлениетын информациятынан, ыам ыйын 18 күнүттэн муниципальнай оҕо лааҕырдарыгар сурутуу саҕаланар. Сайабылыанньалары https://edu.e-yakutia.ru үөрэҕирии порталыгар биэриэххэ сөп. 
Сайын устата уопсайа 45 лааҕыр 5278 оҕону хабан үлэлиэҕэ:
-  уопсай уонна эбии үөрэхтээһин тэрилтэлэрин базаларыгар 38 күнүскү лааҕыр (3955 оҕону хабан);
- 5 куорат таһынааҕы стационарнай чэбдигирдэр лааҕыр (1060 оҕолоох);
- 2 үлэ уонна сынньалаҥ лааҕыра (100 оҕолоох);
- 2 «палаточнай» лааҕыр (163 оҕолоох).
Куорат таһынааҕы стационарнай лааҕырдар путевкаларыгар 13713 солкуобай суумалаах өрөспүүбүлүкэтээҕи оҕо сынньалаҥар уонна чэбдигирдиитигэр анаммыт субсидия көрүллэр.  Лааҕырдар путевкаларын сыаната араас буолан төрөппүттэр атын-атын сууманы төлүүллэр. 
Итини таһынан, 2021 сылтан саҕалаан, Дьокуускай куораттааҕы оҕо сынньалаҥын уонна чэбдигирдиитин стационарнай лааҕырдара (Радуга, Спутник, Каландаришвили, Бинго, Родничок) «Лагерный Кэшбек» федеральнай бырагыраамаҕа кытталлар. Төрөппүттэр, путевка сыанатын  «МИР» каартанан төлөөбүт буоллахтарына, сууматыттан 50% төннөрөр кыахтаналлар.
Смена саҕаланыан иннинэ оҕолору сайыҥҥы лааҕырдарга суруттарарга төрөппүттэр (сокуоннай бэрэстэбиитэллэр) туттарар докумуоннара:
Төрөппүт (сокуоннай бэрэстэбиитэл) сайабылыанньата;
Сайабылыанньа биэрээччи докумуонун (пааспарын) куопуйата;
Оҕо төрөөбүтүн туһунан туоһу сурук (14 сааһын туолбут буоллаҕына пааспарын) куопуйата;
Оҕо сынньалаҥар уонна чэбдигирдиитигэр оҥоһуллар өҥө дуогабара;
Оҕо доруобуйатын туругун туһунан ыспараапка (0/79у №-дээх); 
Эпидемиологическэй ыспараапка (3 күн болдьохтоох); 
Оһоллонуу-дэҥнэнии түбэлтэтиттэн страховка; 
Төрөппүттэр (сокуоннай бэрэстэбиитэллэр) оҕо тус дааннайдарын обработкалыырга сөбүлэҥнэрэ. 
Ыйытыктаргытын Үөрэҕирии управлениетын иитиигэ уонна эбии үөрэхтээһиҥҥэ салаатыгар биэриэххитин сөп, төлөпүөн нүөмэрэ:   8 (4112) 40-03-45

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...