18.07.2019 | 13:04

МИН КУОРАТЫМ

МИН КУОРАТЫМ
Ааптар: Киин Куорат

Иллээх ыаллааһыы сылынан хаһыаппыт «Мин куоратым» бырайыагын салҕыыр.

Тутуу хаачыстыбатын мэктиэлиир СРО (саморегулируемая организация) диэн тэрилтэ Арассыыйа үрдүнэн 2009 сылтан үлэлиир. Биһиги өрөспүүбүлүкэбитигэр маннык соҕотох тэрилтэнэн «Саха сирин тутааччыларын» ассоциацията буолар. Салайааччы Айхал Габышев итини таһынан СӨ Аҕаларын түмсүүтүн бас-көс киһитэ.

Тутуу – олох төрдө

Дьокуускай куоракка сэмэй майгылаах, күүстээх санаалаах, үлэни өрө туппут дьон олорор. Олох төрдө тутуу буоларын мэктиэлээн, куораппытыгар сыл ахсын бииртэн биир кэрэ дьиэлэр дьэндэһэн иһэллэр. Мин биһиги куораппытыгар элбэх уонна үйэлээх тутуулар баар буолуохтарын, олох салҕаныан баҕарабын. Холобура, дьиэ кэргэнинэн сынньалаҥы атаарар ураты көстүүлээх, ханна да суох баараҕай миэстэ тутуллуон баҕарабын. Чуолаан, Олоҥхоленд бырайыагын сайыннаран.

Муниципальнай киин дьиэтэ

Таптыыр Сахабыт сиригэр 34 улуус баар. Улуустар бэрэстэбиитэллэрин барытын тэрийэн, биир дьиэҕэ түмүөххэ наада. Хас биирдии улуус бэрэстэбиитэлигэр хос баар буолуоҕа. Ол дьиэҕэ мунньахтыыр хостор, ресторан баар буолуохтаахтар.

Таптал истиэнэтэ

PENTAX Image

Биһиги, сахалар, өбүгэ саҕаттан төрөппүттэргэ. кырдьаҕастарга, оҕолорго ураты истиҥ сыһыаннаах норуоппут. Ол курдук, Аҕалар түмсүүлэрэ киин куоракка баар Ийэ скверигэр Төрөппүккэ таптал истиэнэтин оҥоруохха диэн этиилээхпит.

Франция Париж куоратыгар баар Таптал истиэнэтигэр аан дойду араас тылынан тапталга билинии тыллара суруллан тураллар. Оттон биһиги истиэнэбит Дьиэ кэргэн тапталын уйатын түстүүр уонна харыстыыр аналлаах буолуоҕа. Билигин бырайыагын оҥоро сылдьабыт. Ол курдук, аан дойду араас тылынан төрөппүттэргэ тапталга билинии тыллара суруллуохтара: “Ийээ, мин эйигин таптыыбын!”, “Аҕаа, мин эйиин таптыыбын!”

Турцияны кытта сибээс

Улуу турок омуга – биһиги хаан-уруу аймахтарбыт, онон Дьокуускайга Турция куухунатын арыйар куһаҕана суох буолуо этэ. Ону таһынан Дьокуускай-Анталия хайысханан көтөр аал сырыыта олохтонуон баҕарабын. Тыйыс айылҕалаах дьоҥҥо доруобуйа, эт-хаан өттүнэн чэбдигирэргэ бу сырыы туһалаах эрэ буолуо этэ.

Сэргэ анала

Историяны хасыһарбын сөбүлүүбүн. Элбэх учуонай үлэтин, былыргы дьон кэпсээнин ааҕан, сэргэ туһунан интэриэһинэйи биллим. Ол курдук, аныгы дьон сэргэни ат баайартан атыннык билбэппит. Оннук буолбатах эбит. Сэргэ – кэм-кэрдии хаамыытын көрдөрөр аналлаах ! Былыр чаһы, халандаар суох кэмигэр өбүгэлэрбит сэргэлэрин балаҕан аанын утары туруоран, күн күлүгүнэн сирдэтэн, бириэмэни быһаарарга туттар эбиттэр. Хомойуох иһин, бу өйдөбүлү сүтэрэн кэбиспиппит уонна сэргэбитин ат баайар баҕана эрэ диэн өйдөбүлү тутан хаалбыппыт. Серошевскайтан саҕалаан Новгородовка тиийэ итинник суруллубут.

Өбүгэ үгэһэ этэринэн, сэргэ балаҕан аанын илин диэки туруоруллуохтаах. Бу өйдөбүллэри түмэн, сааһылаан, наардаан, ыраҥалаан көрбүтүм, чахчы, сэргэ бириэмэни ыйар, кэрдэр эбит. Ый хаамыытын уонна кэмин эмиэ билэллэр эбит. Онон, сахам дьоно, сэргэни ат баайар диэн бүтүөххэйиҥ,  дьиҥ төрүт үгэһи сөргүтүөххэйиҥ.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...
Аан дойду 2021 — чемпионката
Спорт | 22.07.2021 | 18:28
Аан дойду 2021 — чемпионката
Бу күннэргэ улаханнык үөрдүбүт Матрена Ноговицынаны кытта 100 харахтаах дуобакка аан дойду чемпионката буолбутунан төлөпүөнүнэн  эҕэрдэлээн интервью ыллым. Матрёна Ноговицына – 1991 с. сэтинньи 6 күнүгэр Чурапчы улууһугар Мугудайга төрөөбүтэ.  64-100 харахтаах дуобаттарга  араас саастаахтарга  аар-саарга кыайыыларын аахпакка, аҥаардас 100 харахтаах дуобакка дьахталларга эрэ ситиһиилэрэ маннык: 2004 сылтан  Арассыыйа дьахталларга...