Массыанньыктарга киирэн биэримэҥ!

Дьокуускай полициятыгар 49 саастаах эр киһиттэн үҥсүү киирбит. Киниэхэ билбэт киһитэ төлопүөнүгэр эрийэн кэлэн "баан Куттал суох буолуутун сулууспатыттан эрийэбин" диэбит. Киһи араспаанньатын, аатын, аҕатын аатын барытын толору этэн туран, “эн бааҥҥа баар счеккуттан массыанньыктар 4500 солкуобайы атын киһиэхэ ыыта сатаатылар” диэбит. Кэпсэтии кэмигэр “баан үлэһитэ” бу киһиттэн карточкатын нүөмэрин, карта кэннигэр баар сыыппаратын, смс нөҥүө кэлбит кодтары ылбыт. Эр киһи “баан үлэһитигэр” итэҕэйэн барытын ууран биэрбит. Аттыгар баар кыыһа карточка нүөмэрдэрин сөпкө этэригэр көмөлөһөөччү буолбут. Түмүгэр бу киһи счетуттан 132 000 солк. массыанньыктарга уордарбыт.

Ытыктабылаах бар дьоммут, билбэт дьоҥҥут эрийэн кэлэн тус дааннайдаргытын көрдөөтөхтөрүнэ, “баан үлэһиттэрэ” да аатырдынар, ханнык да информацияны үллэстибэт буолуҥ! Эрийдэхтэринэ кэпсэтэ да барбакка төлөпүөҥҥүтүн ууран баран, баан быһа линиятыгар бэйэҕит эрийиҥ. Дьиҥнээх баан үлэһиттэрэ хаһан даҕаны карточка кодун, кэннигэр баар сыыппаралары ыйыталаспаттар!

“Дьокуускайдааҕы” ММУ ИДьМ пресс-сулууспата.