24.12.2020 | 13:54

Махтал уонна үтүө санаа флешмоба салҕанар

Махтал уонна үтүө санаа флешмоба салҕанар
Ааптар: Киин Куорат
Бөлөххө киир

Дьокуускайга элбэх кыбартыыралаах дьиэ олохтоохторо олбуору көрөр-истэр, ыраастыыр үлэһиттэрин кэлэн иһэр бырааһынньыгынан эҕэрдэлиир флешмобтарыгар кыттааччы элбиир. Ол курдук, 203-с микрооройуон олохтоохторо саҕалаабыт саҥа дьыллааҕы аахсыйалара махтал уонна үтүө санаа челленджэ буолла.

Ленин проспегын 62 уонна 62/1 нүөмэрдээх дьиэлэрин олохтоохторо 25 тыһыынча солкуобайы хомуйан, үтүө суобастаахтык үлэлиир Александр Парфеновка туттардылар. Александр Борисович кыһыҥҥы тымныыга ырааһы көрөрүн бэлиэтээтилэр, киниэхэ махталларын биллэрдилэр. Ону таһынан бэрээдэги көрөр консьержтарга минньигэс бэлэхтэрин анаатылар.

Оттон Ойуунускай уулуссатын 8 уонна 10 нүөмэрдээх дьиэлэрин олохтоохторо олбуору көрөр үлэһиттэригэр Василийга туорт уонна 15000 солкуобай харчынан бэлэх оҥордулар. 

"Северное Сияние" олорор комплекс 35/1 уонна 35 нүөмэрдээх дьиэлэрин актыыба үлэһиттэригэр Василий Егоровичка уонна Василий Константиновичка саҥа дьыллааҕы бэлэхтэрин үөрүүлээх быһыыга-майгыга туттардылар.  Икки Баһылай – куорат баһылыга Сардана Авксентьева ыам ыйын 1 күнүгэр биллэрбит олбуору көрөр-истэр, ыраастыыр үлэһиттэргэ аналлаах куонкуруһун кыайыылаахтара.

203 микрооройуон 26 куорпуһун олохтоохторо үтүө санаа аахсыйатын өйөөтүлэр. Староста – Ирина Потапова.  Кинилэр үлэһиттэригэр Анатолийга булт-алт уонна анал таҥас маҕаһыыныгар 10 000 солкуобай суумалаах сертификаты туттардылар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дьиэҕин куортамныыгын дуо?
Сонуннар | 10.05.2024 | 14:00
Дьиэҕин куортамныыгын дуо?
Дьиэни-уоту бас билээччилэр кыбартыыраларын куортамҥа биэрэн дохуот ылаллар, оттон нолуогу төлүөхтэрин баҕарбаттар. Нолуок уорганнара кыбартыыраны сокуону кэһэн туран куортамҥа туттарбыттарын туһунан хайдах билиэхтэрин уонна 2024 сылга ыстараап ылбат туһугар туох дьаһаллары ылыахтарын сөбүн  туһунан Mail.ru “Советник- центр” МК адвоката Александр Шиманскай кэпсээтэ. “Нолуок кодексатын быһыытынан, дьиэни-уоту куортамҥа туттарартан киирэр дохуоттан...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...