23.07.2020 | 17:07

Маһы кэрдиигэ көҥүллээхтэр

Маһы кэрдиигэ көҥүллээхтэр
Ааптар: Киин Куорат

Соторутааҕыта Окружной шоссеҕа мастары кэрдэ сылдьалларын видеоҕа уһулан тарҕаппыттарын көрбүт буолуохтааххыт. Дьокуускай куорат дьаһалтата иһитиннэрэринэн, бу эбийиэккэ сатыы сылдьар дьоҥҥо тротуар уонна бэлисипиэт суолун оҥороору бэлэмнииллэр.

“Куттала суох уонна хаачыстыбалаах айан суоллара” национальнай бырайыак чэрчитинэн Окружной шоссеҕа Жорницкай уулуссатыттан Бүлүү трагар диэри (иккис уочарат) хапытаалынай өрөмүөн ыытыллар. “Дорстрой” ХЭТ бэлэмнээһин үлэтин ыытар. Ол курдук, манна ЛЭП тирээбиллэрин туруораллар, сибээс ситимин көһөрөллөр, экструдированнай  пенополистиролу уураллар, суол олоҕун оҥороллор, гаас, уу ситимин тардаллар.

“Бэдэрээтчик тротуар уонна бэлисипиэт суолун оҥороругар мас кэрдэргэ көҥүл ылбыта. Тустаах сиргэ бара сырыттыбыт, докумуоннары бэрэбиэркэлээтибит, хаартыскаҕа түһэрдибит, туох да кэһии суох”,  – диэн куорат дьаһалтатын муниципальнай хонтуруолга управлениета иһитиннэрэр.

Быйыл бу учаастакка суолу түөрт балаһаҕа тиийэ кэҥэтиэхтэрэ. Бэлисипиэт суолун уонна сатыы сылдьар дьон тротуарын кутан саҕалыахтара. Бырайыак докумуоннара судаарыстыбаннай экспертизаны ааспыттара, ОДьКХ уонна энергетика департамена  маһы кэрдэр көҥүлү биэрбитэ диэн “Главстрой” тэрилтэ кэпсээтэ.

Дуогабар быһыытынан, мас кэрдиллибитин кэннэ, күөх олордуулар икки бүк элбээн чөллөрүгэр түһүөхтэрэ. Үлэҕэ Строительнай уокурук управлениета кыттыһыаҕа.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...