21.12.2020 | 14:46

Ленин проспегын хапытаалынай өрөмүөнүн бырайыага оҥоһуллар

Ленин проспегын хапытаалынай өрөмүөнүн бырайыага оҥоһуллар
Ааптар: Киин Куорат

Ааспыт нэдиэлэҕэЛенин проспегын хапытаалынай өрөмүөнүгэр аналлаах уочараттаах мунньах буолан ааста. Бэрэссэдээтэл – куорат баһылыга Сардана Авксентьева. Билигин «Хабаров уулуссатыттан Краснояров уулуссатыгар диэри учаастакка Ленин проспегын хапытаалынай өрөмүөнэ» эбийиэк бырайыагын, сметатын докумуонун ырытан оҥоруу үлэтэ ыытыллар. Манна «Московскай» сквергэ IT-сквер оҥоһуллуутун боппуруоһа эмиэ киирэр. Мунньахха киин куорат сүрүн уулуссатын көстүүтүн буортулуур уот, сибээс ситимнэрин, о.д.а. кабеллары техническэй уларытыы туһунан дьүүллэстилэр. Сибээс оператордарын кабелларын сир аннынан ыытар, ситимнэри аттынааҕы уулуссаларга көһөрүү, ититии ситиминэн тардар, о.д.а. араас ньыма ырытылынна. «Билигин сир аннынан ыытар ньыма көрүллэр», – диэтэ баһылык бастакы солбуйааччыта Евгений Григорьев. Сибээс оператордара ититии ситиминэн тардар ньыманы инникитин быдан табыгастааҕынан ааҕаллар. Бу боппуруос тустаах тэрилтэлэр кыттыылаах мунньахха көрүллүөҕэ. Маны сэргэ, Ленин проспегар сылаас тохтобуллары туруорар, уулусса икки өттүгэр бэлисипиэт суолларын тэрийэр туһунан кэпсэтии таҕыста. Бырайыак сүрүн инженерэ Роман Тыкушин иһитиннэрбитинэн, үлэ тосхоло бөдөҥ куораттар уопуттарыгар тирэҕириэҕэ. Куорат баһылыга бырайыакка, төһө кыалларынан, Ленин проспегар сылаас тохтобулу элбэтэр туһунан болҕомтоҕо ыларга соруйда.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.