Үлэ харыстабылын ыйа түмүктэннэ

Куорат баһылыга Евгений Григорьев бүгүн муус устар 1-30 күннэригэр ыытыллыбыт үлэ харыстабылын ыйын түмүгүн таһаарыыга кытынна. Аан дойду үрдүнэн муус устар 28 күнүгэр Үлэ харыстабылын  күнэ бэлиэтэнэр. Бу туһунан Олохтоох дьаһалта пресс-сулууспата иһитиннэрдэ.
Евгений Григорьев үлэ харыстабылын исписэлиистэрин эҕэрдэлээн туран кинилэр үлэлэрин дьоһун суолтатын бэлиэтээтэ. 
«Үлэ харыстабылыгар дьоһун суолталаах судаарыстыбаннай оруол сүктэриллэр. Бүгүн үлэ таһаарыылаах буолуута дойду үрдүнэн күрэс былдьаһыыга тэҥнэһэр», - диэн бэлиэтээтэ Евгений Григорьев.
Идэлээх бырааһынньыктарынан үлэ харыстабылын бастыҥ исписэлиистэригэр Олохтоох дьаһалта Бочуоттаах грамоталарын уонна махтал суруктарын туттардылар. Бочуоттаах грамотанан наҕараадаланнылар:
- Ирина Бутырина, «Оҕо инфекционнай клиническай балыыһата» СӨ СБТ үлэ харыстабылыгар исписэлииһэ;
- Михаил Бутырин, «Ростелеком» ПАУо филиала «Сахателеком» салаатын начаалынньыга;
- Евгений Затеев, «Үөрэҕирии управлениета» МХТ гражданскай оборонаҕа, баһаары уонна терроризмы утары салаатын начаалынньыга;
- Елена Киклевич, «Теплоэнергия» АУо үлэ харыстабылыгар уонна баһаартан сэрэхтээх буолууга салаатын начаалынньыга;
- Валентина Коломиец, «Якутпромстрой» САУо үлэ харыстабылыгар уонна экологияҕа сулууспатын салайааччыта;
- Афанасий Максимов, «Горсвет» МУТ үлэ харыстабылыгар исписэлииһэ;
- Наталья Васильева, Олохтоох дьаһалта үлэ харыстабылыгар салаатын кылаабынай исписэлииһэ;
- Акулина Скрябина, 1 №-дээх Оҕо искусствотын оскуолатын үлэ харыстабылыгар исписэлииһэ.
Үлэ харыстабылын ыйын кэмигэр Дьокуускайга быыстапкалар, 
дискуссиялар, вебинардар, практикумнар, маастар-кылаастар тэрилиннилэр. Итини таһынан, «Дьокуускай куорат уокуругун үлэ харыстабылыгар бастыҥ исписэлииһэ» куораттааҕы куонкурус, «Үлэ харыстабылыгар бастыҥ муннук» көрүү-күрэх, «Үлэ харыстабыла оҕо хараҕынан» оҕолор уруһуйдарын күрэҕэ, кылаас чаастар, лекциялар, куораттааҕы үөрэх кыһаларыгар уонна оскуолаларга көрсүһүүлэр ыытылыннылар.