«Өлбөт үйэлээх полк» хаартыскаларын босхо бэчээттэтэбит

Улуу Кыайыы күнүн көрсө, 2022 сыл ыам ыйын 4-6 күннэригэр, Дьокуускай куорат  Аммосов уулуссатын 18 нүөмэригэр баар «Мин докумуоннарым» киин офиһыгар гражданнар  «Өлбөт үйэлээх полк» сэлэлээн хаамыыга аналлаах Аҕа дойду Улуу сэриитин кыттыылаахтарын хаартыскаларын босхо бэчээттэтиэхтэрин сөп. Бу туһунан Олохтоох дьаһалта пресс-сулууспата иһитиннэрдэ.
Киин сотруднига бэтэрээн хаартыскатын бэлэм халыыпка киллэрэн тута миэстэтигэр бэчээттээн таһаарар. Итинник бэчээттэтэргэ хаартысканы, бэтэрээн араспаанньатын, аатын, аҕатын аатын уонна званиетын ыйан туран polk.mfc@yandex.ru электроннай почтаҕа ыытыахха сөп, эбэтэр хаартысканы илдьэ МФЦ-га тиийиллэр (Аммосов уул., 18).
Хаартыскаларга ирдэбил – jpg, jpeg, png, gif формат, кээмэйэ 8 МБ улахана суох. 
Болҕойуҥ, хаартыскалар флешканан, мессенджердарынан ылыллыбаттар.