18.05.2022 | 13:00

Кыайыы пааркатыгар мас олордулунна

Кыайыы пааркатыгар мас олордулунна
Ааптар: Киин Куорат
Бөлөххө киир

«Куорат хаһаайыстыбатын үлэлэтэр сулууспа» МХТ исписэлиистэрэ ыам ыйын 17 күнүгэр Кыайыы пааркатын территориятыгар мас олортулар. Бу туһунан Олохтоох дьаһалта пресс-сулууспата иһитиннэрдэ.
«Куорат хаһаайыстыбатын үлэлэтэр сулууспа» МХТ салайааччытын солбуйааччы Светлана Чусовская куораты көҕөрдүү чэрчитинэн мас олордооһунугар туох наадатын кэпсээтэ. Бастакытынан, «От күөх билиэт», эбэтэр маһы түөрэн ыларга ордер ирдэнэр. Итинник докумуону ханнык баҕарар управаттан эбэтэр куорат кытыытын дьаһалтатыттан ылыахха сөп. 
«Ордерга хас маһы, сэппэрээги уонна ханнык сиртэн түөрэн ылары ыйаллар: Маҥанныыр, Бүлүүлүүр уонна куорат атын трактара. Итини таһынан, миэстэтэ ыйыллар – ЛЭП харыстанар зоналара. Итинтэн хостонон ылыллыбыт мастары биһиги өлөрбөппүт – быыһыыбыт. Тоҕо диэтэр, итиннэ үүнэр мастары, сэппэрээктэри кэрдэллэр», - диэн бэлиэтээтэ Светлана Чусовская.
Исписэлиистэр информацияларынан, сэппэрээктэри, мастары көһөрүүгэ үүнээйилэр силис тардар болдьохторун тутуһар наадалаах. Кинилэри саас эрдэ эбэтэр күһүн хойут (ыам ыйын 20 күнүттэн уонна балаҕан ыйын ортотуттан саҕалаан) көһөрөн олордуллар. Биир миэтэрэттэн үрдүгэ суох мастар уонна сэппэрээктэр куорат усулуобуйатыгар ордук үчүгэйдик үүнэллэр. 
Мастары, сэппэрээктэри көһөрөн олордорго маннык быраабылалары тутуһуллуохтаах:
- үлэни саҕалыах иннинэ, компаһы туһанан, үүнэн турар мас лабаатыгар соҕурууҥу өттүттэн туох эбит бэлиэни, лиэнтэни баайыллыахтаах;
- хайа сатанарынан силиһэ улахан буоларын курдук хостонуохтаах, хас биирдии өттүттэн 40 см курдук хаалларан;
- силистээх өттүн бакыакка, куулга уган баран тиэйиллиэхтээх (сайыҥҥы уонна күһүҥҥү кэмҥэ олордор буоллахха силиһигэр булгуччу уу кутуллуохтаах);
- ханна олордор сири чопчу быһааран баран, хаспыт сиргэ өҥ буору уонна ууну кутуллуохтаах, быһа холоон биир маска биир биэдэрэ ууну;
- хаһыллан бэлэмнэммит сиргэ, урут үүнэн турбутун курдук, бэлиэтэммит лабаатын соҕуруу диэки хайыһыннаран олордуллар.
Маһы олордуу дириҥэ уларыйбакка, урут үүнэн турбут таһымыгар буолуохтаах. Оннук сатаммат буоллаҕына, арыый дириҥ соҕустук олордор үчүгэй (кырыһын үрдүгэр саҥа буору кутуллубат).
Силис анныгар көҥдөй хаалбатын курдук буорун булгуччу үчүгэйдик тэпсэн, чиҥэтэн бэриллиэхтээх.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...