29.04.2022 | 16:00

Куорат баһылыга гражданнары кытта көрүстэ

Куорат баһылыга гражданнары кытта көрүстэ
Ааптар: Киин Куорат

Бүтүн өрөспүүбүлүкэтээҕи гражданнары кытта көрсүһүү чэрчитинэн, муус устар 28 күнүгэр Евгений Григорьев куорат олохтоохторун кытта көрүстэ. Гражданнар олох-дьаһах хомунаалынай хаһаайыстыбатын уонна сир боппуруостарынан, ону сэргэ социальнай суолталаах бырайыактарга өйөбүл көрдөөн сырыттылар. Бу туһунан Олохтоох дьаһалта пресс-сулууспата иһитиннэрдэ.
Марха дьоҕус оройуонун олохтооҕо Григорий Халматов баһылыктан сирин учаастагын арыандатын уһатарга көрдөстө. Кини хапытаалынай тутууну ыыппакка эрээри, ыскылаат курдук туттарга арыандаҕа ылбыт сирдээх. 
Евгений Григорьев арыанда болдьоҕо ааспытын, ол эрэн көтүрүллүбэтэҕин туһунан быһаарда. 
«Арыанда саҥа дуогабарын түһэрсэр курдук биһиэхэ 2018 сылга диэри этиэхтээх этигит. Бүгүн урукку арыанда дуогабарын уһатар олоҕо суох. Суукка биэрэҥҥит суутунан уһаттарыҥ диэн сүбэлиибин. Арыанда дуогабара баар буоллаҕына ити тутууну стационарнайа суох эргиэн эбийиэгин курдук туттуоххутун сөп», - диэн сүбэлээтэ куорат баһылыга.       
Биэнсийэлээх Анна Балаева Евгений Григорьевка «Севернай» салайар хампаанньаны үҥүстэ. Кини дьиэ сарайын үрдүттэн уу сүүрэрин, онтон сылтаан уот ситимин үлэтэ кэһиллэрин уонна саахал тахсыан сөбүн этэн туран хаартыскалары көрдөрдө. 
Баһылык куорат хаһаайыстыбатын боппуруостарынан солбуйааччытыгар  Егор Кардашевскайга Территориялары кытта үлэлиир департамены, Автодорожнай уокурук управатын уонна салайар хампаанньаны кытта ити кыһалҕаны суһаллык быһааралларыгар сорудахтаата.
«Цунами добра» бырайыагы өйүүр, Губин уул., 37 №-дээх элбэх кыбартыыралаах дьиэтин өрөмүөннүүр уонна оҕо балаһааккатын тутар туһунан көрдөһүүлээх Наталья Сивцева кэллэ. Евгений Григорьев бырайыагы кытта билсиэх уонна, сатанар буоллаҕына, көмөлөһүөх буолла. Оҕо балаһааккатын тутуутун боппуруоһун уонна «Уһук Илиҥҥэ 1000 тиэргэн» тупсаран оҥоруу бырайыагар киллэрии туһунан быһааралларыгар Куораты тутуу уонна тырааныспар инфраструктуратын департаменыгар сорудахтаата. 
Промышленнай зонаҕа киирэр сир учаастагын бэйэ бас билиитигэр регистрациялааһын боппуруоһун быһааралларыгар уонна территория генеральнай былаанын уларытыыга сайабылыанньаны бэлэмнииллэригэр баһылык Баай-дуол уонна сир сыһыаннаһыыларыгар департамеҥҥа сорудахтаата. 
Гражданнары кытта көрсүһүүгэ куорат баһылыгын солбуйааччылара, Олохтоох дьаһалта структурнай салаатын уонна муниципальнай тэрилтэлэрин салайааччылара кытыннылар.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...