14.04.2020 | 13:02

Коммунальнай сулууспалар тохтообокко үлэлииллэр

Коммунальнай сулууспалар тохтообокко үлэлииллэр
Ааптар: Киин Куорат

Дьокуускайга бу күннэргэ коммунальнай хаһаайыстыба салаатын сүрүн күүһэ сааскы чалбах уутун оборторууга барар.

Быйыл кыһын хаһааҥҥытааҕар да элбэх хаар түспүтүн бары билэбит. Төһө да күүстээхтик тиэллибитин үрдүнэн, ириэрии буолбутугар сааскы чалбах уутугар барбыт кварталлар бааллар.

Билигин куорат уулуссаларыгар 80-ча тиэхиньикэ күннэтэ үлэлиир, маны таһынан, ууну аһардар лотуоктары паарынан үрдэрэн ириэриигэ 21 анал тиэхиньикэни кытта чааһынай тэрилтэлэри кытта кыттыһыннардылар.

Ууну оборторууга 43 фекалканы кытта носуостар үлэлииллэр. Куорат баһылыгын дьаһалынан, тиэхиньикэ ахсаана өссө эбиллиэхтээх.

Ууга барыы куорат кыбаарталларыгар сыллата хатыланар. Тоҕо диэтэххэ, Дьокуускай үрдүнэн ууну аһардар систиэмэ сатаан оҥоһулла илик. Билигин саҥа суоллары тутуу, өрөмүөннээһин тэтимнээхтик барар кэмигэр ууну аһардар схеманы хайаан да учуоттууллар. Оттон уопсай хартыына уларыйарыгар хас да сыл барыан сөп.

Коммунальнай сулууспалар түүннэри-күнүстэри үлэлииллэр.

ЕДДС: 8(4112)44-42-29 уонна  8(4112)44-42-51

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.