06.05.2022 | 13:00

Киин куорат территориятыгар сынньанар сирдэр

Киин куорат территориятыгар сынньанар сирдэр
Ааптар: Киин Куорат

Олохтоох дьаһалта куорат олохтоохторо айылҕаҕа сынньанар миэстэлэрин чопчулаата. Ол курдук, Покровскайдыыр уонна Намныыр трактар талылыннылар. Бу туһунан Олохтоох дьаһалта пресс-сулууспата иһитиннэрдэ.
Баһаартан сэрэхтээх буолуу сезонугар Дьокуускай куорат олохтоохторо Өлүөнэ эбэ кытылыгар, чох тиэйэн сүөкүүр сиртэн чугас, Кангалаас тумулыгар сынньаныахтарын сөп.  Итини таһынан, Покровскайдыыр тракт 25 км, Табаҕа сэлиэнньэтин таһыгар, Синньигэс үрэх хаҥас биэрэгэр, Покровскайдыыр тракт 20 км (Дьокуускай – Покровскай суол уҥа өттүгэр) сынньанар сирдэр тэрилиннилэр. Өссө биир көҥүллэммит сынньанар сир – Намныыр тракт 22 км баар (Дьокуускай – Нам суол хаҥас өттүгэр). 
Айылҕаҕа сынньанар кэмнэригэр гражданнар баһаартан сэрэхтээх буолуу миэрэлэрин тутуһар эбээһинэстээхтэр, мангаал анныгар умайбат матырыйаалы ууруллуохтаах, булгуччу лаппаахы, мотыга, уоту умуорар тэрил (огнетушитель) баар буолуохтаахтар. Кутаа уоту анаммыт эрэ сирдэргэ уматыллыахтаах, дьаама хаһан уонна тула кирпииччэни уурталаан. 
Дьокуускай куорат ЫБММ судаарыстыбаннай управлениетын, Гражданскай оборонаҕа уонна ыксаллаах быһыыга-майгыга управлениетын сотрудниктара санаталлар: гражданнар ойуурга баһаары көрдүлэр даҕаны суһаллык «101» эбэтэр «01» нүөмэрдэргэ төлөпүөннээн биллэриэхтээхтэр.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...