Кэлэр нэдиэлэ – уһун өрөбүллэр

Арассыыйа үрдүнэн коронавирус тарҕаммытынан сибээстээн, үрдүк таһымнаах бэлэм буолуу эрэһиимэ бүрүүкээн турар. Бүгүн киэһэ, кулун тутар 25 күнүгэр, дойдубут бэрэсидьиэнэ В.В.Путин телевидение киин ханаалларынан быһа эфиргэ таҕыста.

Кини этиитин сүрүн тезистэрин аахтахха маннык:

• Аан дойду экономиката улахан охсууну ылар балаһыанньаҕа киирдэ.
• “Арассыыйаҕа коронавирус маассабайдык тарҕаныытын тутабыт”, - диэтэ. Арассыыйа коронавируһу утары үлэни, сэрэтиини кыайар кыахтаах диэн этилиннэ.
• Конституцияҕа уларытыылары киллэрии куоластааһынын болдьоҕо көһөн биэрдэ. Муус устар 22 күнүгэр буолуохтаах этэ, аны хаһан ыытыллара чуолкай биллибэт.
• Кэлэр нэдиэлэ, ол аата кулун тутар 30 күнүттэн муус устар 5 күнүгэр диэри, барыта өрөбүл күннэр биллэриннилэр.
• Бу өрөбүл нэдиэлэтин устата үлэһиттэр хамнастара оннунан хаалар.
• Аҕа дойду Улуу сэриитин уонна Тыыл бэтэрээннэригэр Кыайыы 75 сылынан бэриллиэхтээх харчы бырааһынньык иннинэ бэриллиэҕэ.
• Туох баар социальнай босуобуйалар сыл аҥаарын устата уһатыллыахтара. Ол аата докумуону саҥардар, хаттаан хомуйан туттарар наадата суох.
• Ийэ хапытаалын ылар ыалларга хас биирдии оҕоҕо 5000 солк. эбиллиэҕэ.
• Бэрэсидьиэн дьоҕус бизнеһи, НДС-тан ураты, бары нолуоктартан босхолуурга этии киллэрдэ.