29.05.2020 | 17:46

Кангаласска 3 суол оҥоһуллуоҕа

Кангаласска 3 суол оҥоһуллуоҕа
Ааптар: Киин Куорат

Кангаласс бөһүөлэгэр “Куттала суох уонна хаачыстыбалаах айан суоллара” национальнай бырайыак чэрчитинэн, быйыл 3 уулусса өрөмүөннэниэҕэ. Пионерская, Лесная уонна Объездная уулуссаларга өрөмүөн үлэтин “РИК Автодор” АУо ыытыаҕа. Уопсайа 1,326 км. суол оҥоһуллуоҕа.

Бүгүн, ыам ыйын 29 күнүгэр, бырайыагы видео сибээһинэн ырытыыга Транспорт уонна суол управлениетын салайааччыта Константин Попов, Кангаласс салайааччыта Виктория Жилина, “Главстрой” МКТ бэрэстэбиитэллэрэ, ГИББД, бэдэрээччиктэр уонна олохтоохтор кытыннылар.

Пионерская уулуссаҕа уопсайа 0,455 км трасса сөргүтүллүөҕэ, суол бэлиэлэрин уларытыахтара. Суолга бөҕө-таҕа састааптаах дьапталҕа тэлгэнэрин таһынан, тупсарыы, көҕөрдүү үлэтэ кытта ыытыллыаҕа.

Лесная уулусса 0,338 км уонна Объездная уулусса 0,533 км өрөмүөннэниэҕэ.

Суоллары оҥоруу бэс ыйын 15 күнүттэн саҕаланар. Бэдэрээччик алтынньы 31 күнүнгэр диэри үлэлиир былааннаах.

Бэлиэтээн эттэххэ, Кангаласс суолларын оҥорууга урут туһанылла илик ньымалар олоххо киириэхтээхтэр.  Таас, асфальт уонна сир кытаанахтык ситимнэһиитин хааччыйар ресайклинг үрдүк технологията туттулуоҕа. Маннык нымаҕа билигин тэлгэнэн сытар асфальт үлтүрүтүллэн ситимниир матырыйаллары кытта буккуллан суол бастакы дьапталҕата тэлгэнэр. Ол үрдүгэр саҥа асфальт тэлгэнэр.

Ырытыы кэмигэр Кангаласс олохтоохторо суоллара дьэ оҥоһуллар буолбутуттан үөрүүлэрэ үрдээбитин биллэрдилэр. Өрөмүөн үлэлэрэ ханнык болдьоххо ыытыллалларын чуолкайдастылар, ууну аһарар лотуоктары хайаан да тутары туруорустулар.

Кангаласс салайааччыта Виктория Жилина олохтоохторо бөһүөлэк олоҕор көхтөөхтүк кытталларын, суол өрөмүөннэнэрин бары кэтэһэллэрин, онон норуодунай хонтуруол кытаанах буолуоҕун кэпсээтэ.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Саха төрүт култууратын өйүүр Ыйаахха илии баттанна
Сонуннар | 20.06.2022 | 12:40
Саха төрүт култууратын өйүүр Ыйаахха илии баттанна
Ил Дархан Айсен Николаев Саха өрөспүүбүлүкэтин эпоһын харыстыыр уонна бөҕөргөтөр ыйаахха илии баттаата. Үөһээ Бүлүүгэ ыытыллар Олоҥхо Ыһыаҕын аһыллар үөрүүлээх күнүгэр  «Олоҥхо дьиэлэрин биир кэлим ситимин уонна олоҥхоһуттары, оһуохайдьыттары, уустары – төрүт култуураны илдьэ сылдьар дьону судаарыстыба өйүүрүн туһунан» ыйаах олоххо киирдэ.   “Бу ыйаах өбүгэлэрбит хаалларбыт нэһилиэстибэлэрин харыстыырга уонна көлүөнэттэн...
Ыһыахха оптуобуһунан барар табыгастаах
Сонуннар | 19.06.2022 | 10:51
Ыһыахха оптуобуһунан барар табыгастаах
Үс Хатыҥ архитектура уонна этнография комплексыгар Туймаада Ыһыаҕар бэлэмнэнии тэтимирдэ.  Бэс ыйын 18 күнүгэр СӨ бырабыыталыстыбатын бэрэссэдээтэлин солбуйааччы Дмитрий Садовников оробуочай мунньаҕы ыытта. Мунньахха Дьокуускай баһылыгын солбуйааччы Антон Алексеенко, тустаах тэрилтэлэр үлэһиттэрэ, бэдэрээттээх тэрилтэлэр кытыннылар.  Антон Алексеенко иһитиннэрбитинэн, Нам суолугар бара турар өрөмүөнүнэн сибээстээн ыһыахха айаны хайдах тэрийэллэрин ырыттылар. Үлэ...