Инбэлиит оҕолоохторго көмө харчы бэрилиннэ

Дьокуускай куорат баһылыга Сардаана Авксентьева дьаһалынан, коронавирус тарҕаммытынан сибээстээн, киин куорат саппаас пуондатыттан 5 мөл. 979 тыһ. солк. инбэлиит оҕолоох дьиэ кэргэттэргэ биирдэ бэриллэр көмөҕө анаан тыырылынна.

Инбэлиит оҕолоох хас биирдии дьиэ кэргэҥҥэ 3000 солк. төлөнөр буолла.

Дьокуускай Кииннэммит бухгалтерията иһитиннэрэринэн, харчы барыта Социальнай харалта управлениетыгар ыытылынна.

Социальнай харалта управлениетын испииһэгэр Дьокуускайга 1993 доруобуйатыгар хааччахтаах оҕо баара биллэр. Бу бэнидиэнньиктэн саҕалаан дьон көмө харчыларын тутан бардылар. “Билигин хаалбыт 45000 солк. анаммыт дьонугар барара хаалла. 58 көмөнү ылар дьиэ кэргэн бааҥҥа баар счеттарын реквизитэ уларыйан, харчылара төннөн кэлбит. Инбэлиит оҕолор ахсааннарыгар тулаайах уонна төрөппүт бырааба быһыллыбыт дьон оҕолорун ахсаана – 12, уу харчынан көмөнү ылар киһи – 3”, – диэн Үөрэхтээһин управлениетыгар иһитиннэрдилэр