15.04.2022 | 13:00

Икки сыл кэнниттэн 1 маай бырааһынньыга ыытыллар

Икки сыл кэнниттэн 1 маай бырааһынньыга ыытыллар
Ааптар: Киин Куорат

Киин куоракка икки сыл буолан баран Саас уонна Үлэ бырааһынньыгар үлэ кэлэктииптэрэ күргүөмүнэн Киров уулуссатынан хаамыахтара. Бу туһунан Олохтоох дьаһалта пресс-сулууспата иһитиннэрдэ. 
Муус устар 14 күнүгэр Олохтоох дьаһалтаҕа Саас уонна Үлэ бырааһынньыгын – 1 маай тэрийиигэ уонна ыытыыга анаммыт тэрийэр хамыыһыйа мунньаҕа буолла. Олохтоох дьаһалта аппараатын салайааччыта Руслан Тимофеев ыыппыт мунньаҕар структурнай салаалар, муниципальнай тэрилтэлэр, территориальнай управалар кытыннылар. 
«Быйыл Дьокуускайга эпидемиологическай быһыы-майгы тупсан 1 маай бырааһынньыгын ыытар кыахтанныбыт. Тэрийэр кэмитиэт өрөспүүбүлүкэ Идэлээх сойуустарын федерациятын кытта киэҥ далааһыннаах, сомоҕолуур бырааһынньыгы ыытар курдук, кылгас болдьох иһигэр  тэрийэр-техническэй тэрээһиннэри бэлэмниэхтээхпит», - диэтэ Руслан Тимофеев.
1 маайга бэлэмнэнии туһунан Идэлээх сойуустар федерацияларын бэрэссэдээтэлэ Валентина Кириллина иһитиннэрдэ. Сүрүн девиһинэн «За мир! За труд! За май!» луозун буолар.
Бырааһынньык концепциятын кытта Олохтоох дьаһалта Култуураҕа уонна духуобунай сайдыыга управлениетын начаалынньыга Индира Ли билиһиннэрдэ. Бырааһынньыктааҕы тэрээһиннэр Арассыыйа норуоттарын култуурунай нэһилиэстибэлэрин сылыгар, Саха сиринээҕи Ийэ сылыгар, Саха АССР төрүттэммитэ 100 уонна Дьокуускай куорат 390 сылларыгар ананаллар, кэккэлэр ити тиэмэнэн киэргэтиллиэхтэрэ. 
Быйыл, Ленин проспегын хапытаалынай өрөмүөнүнэн сибээстээн, кэккэнэн хаамыы Киров уулуссатынан ааһыаҕа. Урукку сылларга курдук, бырааһынньык тэрээһиннэрин «Саха» НКИК быһа трансляцияҕа таһаарыаҕа. 
Бу күннэргэ Дьокуускайга Саас уонна Үлэ бырааһынньыгар бэлэмнэнии ыытыллар. Муус устар ыйын тухары куорат үрдүнэн уопсай субуотунньуктар буолуохтара. 
Саас уонна Үлэ бырааһынньыга – 1 маай буолара чугаһаата, Олохтоох дьаһалта куорат олохтоохторун уонна кэлэктииптэри 1 маайга үгэс буолбут бырааһынньыктааҕы демонстрацияҕа көхтөөх кыттыыны ыларгытыгар ыҥырар.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...