19.05.2022 | 12:00

Иэһэ суох дьон эрэйи көрүө суохтаахтар

Иэһэ суох дьон эрэйи көрүө суохтаахтар
Ааптар: Айыына КСЕНОФОНТОВА
Бөлөххө киир

Хомунаалынай өҥөнү оҥорооччуларга ирдэбил кытаатыаҕа. Ол курдук,  “Биир ньыгыл Арассыыйа” дьокутааттара үтүө суобастаахтык үлэлээбэт ресурсанан хааччыйар тэрилтэлэри 200 тыһыынча солкуобайга тиийэ накаастыахха диэн этиилээхтэр. Бу сокуон бырайыагын Госдуума пленарнай мунньаҕар көрүөхтэрэ.

 

Онно этиллэринэн, ресурсанан хааччыйар тэрилтэлэргэ ыстараап кээмэйдэрэ 2007 сылтан уларыйа иликтэр. Ол курдук, нэһилиэнньэни хомунаалынай өҥөнөн хааччыйыы нормативнай таһымын уонна эрэсиими кэһии иһин дуоһунастаах сирэйдэри 500-1000 солк., оттон юридическай сирэйдэри 5000-1000 солк. тиийэ ыстарааптыыллар. Манна докумуон ааптардара олорор дьиэлэри салайар хампаанньалар ордук кытаанах эппиэккэ тардыллалларын тоһоҕолоон бэлиэтииллэр.   

Госдуума дьокутаата Наталья Костенко этэринэн, ресурсанан хааччыйар тэрилтэлэргэ ыстараап кээмэйэ быыкаа буолан, салайааччылар улахаҥҥа уурбаттар. Ол иһин уу кирдээҕин, кыһын уоту уонна ититиини арааралларын туһунан маассабай үҥсүү киирэ турар. 

Быыкаа ыстараап этиллибит тэрилтэлэр өҥөнү ситэ оҥорботторугар уонна хаачыстыба мөлтүүрүгэр олук буолар. Аны туран, сорохтор салайар хампаанньалартан иэстэрин өҕүтэр ньыма быһыытынан туһаналлара бэлиэтэнэр. Дьиҥэр, дьиэ олохтоохторо иэстэрэ суох буолуохтарын сөп. Ол курдук, 2017 сыллаахха салайар хампаанньа иэһиттэн сылтаан Краснодарга 74 дьиэ икки нэдиэлэттэн түөрт ыйга тиийэ итии уута суох олорбут. 

«... 2018 сыллаахха муус устар ыйга Бурятияҕа 70 инбэлиит дьиэтэ ититиитэ суох хаалбыта, 2019 сыллаахха сэтинньи ыйга Киров куорат олохтоохторо икки нэдиэлэ ититиитэ уонна итии уулара суох хаалбыттара. Томскай уобаласка сыл аайы кэриэтэ 3 нэдиэлэттэн балтараа ыйга тиийэ итии ууну араараллар», – диэн докумуон быһаарыы суругар этиллэр. 

«Бу сокуон бырайыага ОДьКХ өҥөтүнэн туһанааччылар бырааптарын көмүскүөҕэ», – диир Госдуума спикерэ Вячеслав Володин. Кини этэринэн, ресурсанан хааччыйар тэрилтэлэр ититиини, итии ууну уонна уоту араараллар, дьиҥэр, үксүн салайар хампаанньа эбэтэр аҕыйах киһи иэстээх буолаллар. Иэһэ-күүһэ суох, барытын кэмигэр төлүүр дьон тоҕо эрэйи көрүөхтээхтэрий?

Сокуон бырайыагар олоҕуран, мөлтөх өҥө иһин икки кэрдиистээх санкция киириэҕэ. Ол курдук, бастакы сырыыга тэрилтэни 30-50 тыһ. солк., оттон дуоһунастаах сирэйи 5-10 тыһ.солк. ыстарааптыахтара. Иккис сырыыга хампаанньа 50-200 тыһ.солк. ыстарааптаныаҕа, дуоһунастаах сирэй – 15-30 тыһ.солк.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.
Дьахтар араастаах буолар эбит
Сынньалаңңа | 23.02.2024 | 14:00
Дьахтар араастаах буолар эбит
Сиимэ уол сааһа ыраатта, Саҥа дьыл саҕана отут биэһин туолбута. Бииргэ үөрэммит доҕотторо оҕо-уруу, дьиэ-уот тэринэн ырааппыттара. Онуоха эбии аҕата, биирдэ эмэ холуочуйдаҕына, чаал курдугунан көрөн олорон, ыал буолбакка сылдьарынан сирэй-харах анньара. Кырдьар сааска кэргэнэ суох соҕотох сылдьыы куһаҕанын өйдөтө сатыыра, ол кэннэ устунан ытаан барара. Ийэлэрэ барахсан ыалдьан, Сиимэ...