04.06.2020 | 10:41

ХИФУ клиникатыгар COVID-19 анаалыс биэриэххэ сөп

ХИФУ клиникатыгар COVID-19 анаалыс биэриэххэ сөп
Ааптар: Киин Куорат

Бэс ыйын 2 күнүттэн Хотугулуу-Илиҥҥи федеральнай университет клиникатыгар COVID-19 хаан анаалыһын тута икки кылааһынан туттарыахха сөп: М уонна G. Бу туһунан университет пресс-сулууспата иһитиннэрэр.

Анаалыс түмүктэрэ үһүс-төрдүс күнүгэр биллэр. “ИФА-тургутугу ким баҕалаах ааһыан сөп. Сурутуу анал систиэмэнэн икки нэдиэлэ иннинэ оҥоһуллар. Түмүк тустаах аадырыска тиэрдиллиэн эбэтэр электроннай почтанан ылыахха сөп”, –  диэн клиника бүддьүөтү таһынан үлэҕэ салаа сэбиэдиссэйэ Надежда Попова пресс-сулууспаҕа кэпсээтэ.

Попова бэлиээтэбитинэн, тургутук олус судургу. “Хаан анаалыһа тута COVID-19-ка М уонна G икки кылааһынан бэриллэр буолан, үһүстээн-төрдүстээн туттарар наадата суох. Онон анаалыс киһи ыалдьыбытын эбэтэр бу ыарыыга сутуллубутун көрдөрөр. Доруобай киһи сарсыҥҥы күнүгэр эрэллээх буолар”, – диэн быраас санаатын үллэстэр.

Анаалыстары ХИФУ клиникатыгар эрдэттэн суруйтаран үлэ күннэригэр туттарыахха сөп. Сүрүн усулуобуйа: 14 күн устата COVID-19 ыалдьыбыт дьону кытта алтыспатах уонна ОРВИ-нан ыалдьыбатах буолуохтааххын. Анаалыстары аччык кэлэн туттарыллар. Мааска ирдэниллэр, төлөбүр картанан оҥоһуллар. Суруйтарар төлөпүөҥҥүт: +7(4112) 49-66-55. 

Сонуннар

Ордук ааҕаллар

Биир хоһоон дьылҕата
Дьон | 24.09.2022 | 10:00
Биир хоһоон дьылҕата
Түөрт талаан сүдү кыайыыта
Санкция, бизнес уонна барыс
Сонуннар | 24.09.2022 | 14:00
Санкция, бизнес уонна барыс
Ханнык баҕарар кризис, санкция дьоҕус бизнескэ охсууну оҥороллор уонна... саҥа кыахтары арыйаллар. Билиҥҥи кэмҥэ бизнес ханнык салаата ордук барыстааҕый? Чуолаан Саха сиригэр? Ол туһунан аан дойду ырыынагын көрөн-истэн баран, саҥа саҕалааччыларга туһалаах буоллун диэн сырдатабыт.
Октябрьскай уокурукка саҥа тиэргэн территорияларын арыйдылар
Сонуннар | 28.09.2022 | 14:00
Октябрьскай уокурукка саҥа тиэргэн территорияларын арыйдылар
Саха сирин Судаарыстыбаннаһын күнүгэр өрөспүүбүлүкэ киин куоратын Каландаришвили уул., 1 уонна Ленин проспега, 46 аадырыстарга спортивнай балаһааккалаах саҥа тиэргэн территорияларын арыйдылар диэн иһитиннэрдэ Олохтоох дьаһалта пресс-сулууспата.
Дьокуускайга аҕалар бастакы слеттара ыытылынна
Сонуннар | 27.09.2022 | 16:00
Дьокуускайга аҕалар бастакы слеттара ыытылынна
Балаҕан ыйын 24 күнүгэр «Yрдэл» пааркаҕа «Ответственный отец – основа крепкой семьи» диэн Дьокуускай куорат аҕаларын бастакы слеттара ыытылынна. Бу туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениета иһитиннэрдэ.