16.12.2021 | 12:00

«Харыйа оонньуурдарын кистэлэҥэ» күрэх түмүктэннэ

«Харыйа оонньуурдарын кистэлэҥэ» күрэх түмүктэннэ
Ааптар: Киин Куорат
Бөлөххө киир

«Харыйа оонньуурдарын кистэлэҥэ» күрэҕи үөрүүлээх быһыыга-майгыга түмүктээһин ахсынньы 15 күнүгэр Дьокуускай куорат историятын музейыгар буолла. Дьиэ кэргэн үлэлэрин куонкуруһа сэтинньи 16 күнүттэн ахсынньы 10 күнүгэр диэри үс номинациянан ыытылынна: «Ретро-оонньуур», «Аныгы харыйа оонньуура», «Харыйа оонньуура – 2022 сыл бэлиэтэ» диэн кэпсээбиттэр Дьокуускай куорат култуураҕа уонна  духуобунай сайдыыга Управлениетыгар. Куонкуруска барыта 44 кыттааччы-дьиэ кэргэнтэн 54 үлэ киирбит. Ол туһунан Уокуруктааҕы дьаһалта пресс-сулууспата иһитиннэрдэ.
Култуура уонна  духуобунай сайдыы Управлениетын начаалынньыгын солбуйааччы Анна Каженкина бэлиэтээбитинэн, саҥа дьыллааҕы оонньуурдар 2022 сыл тохсунньу 20 күнүгэр диэри Дьокуускай куорат историятын музейыгар «Харыйа оонньуурдарын кистэлэҥэ» быыстапкаҕа туруохтара. 
Музей салайааччыта Александр Ноговицын эппитинэн, быыстапканы коллекционердар уонна куорат олохтоохторо өйөөбүттэр, бэйэлэрин харыйа оонньуурдарын, экспонаттарын киин куорат олохтоохторун уонна ыалдьыттарын көрүүлэригэр таһаарбыттар. 
««Харыйа оонньуурдарын кистэлэҥэ» куонкурус кыттыылаахтарын көмөтүнэн музейбыт пуондата кэҥээтэ. Манна хас биирдии оонньуур көстүүлээх, бастакы саалаҕа аныгы харыйа оонньуурдара уонна үүнээри  турар 2022 сыл бэлиэлэрэ бааллар, оттон иккис саалаҕа сэбиэскэй кэмнээҕи харыйа оонньуурдарын көрүөххэ сөп», – диэбит музей салайааччыта.
Дьүүллүүр сүбэ бэрэссэдээтэлэ, Л.А. Ким аатынан оҕо ойуулуур-дьүһүннүүр искусствотын оскуолатын дириэктэрэ Николай Птицын бастыҥ харыйа оонньуурун талар уустугун бэлиэтээбит. Куонкурус түмүгүнэн хас биирдии номинацияҕа үстүү кыайыылаах сүүмэрдэммит, ону сэргэ 7 биһирэбил уонна анал бириис бааллар. Күрэх партнердара –  «Камелек» хампаанньа, «Якутский хлебокомбинат» АУо, «Якутский Гормолзавод» ХЭТ, «Хозмаркет» маҕаһыын.  
 «Ретро-оонньуур» номинацияҕа кыайыылаахтар уонна призердар:
1 миэстэ – Сивцевтар дьиэ кэргэннэрэ;
2 миэстэ – Спартак, Галина уонна Алексей Седалищевтар;
3 миэстэ – Нарыйа уонна Майя Федоровалар;
Биһирэбил бириистэри  Сайнара Павлова, Елена уонна Айкел Богдановтар ыллылар.
 «Аныгы харыйа оонньуура» номинацияҕа:
1 миэстэ – Ираида Сосина сиэннэринээн Васялыын уонна Денистыын;
2 миэстэ – Алена, Николай уонна Денис Федотовтар;
3 миэстэ – Алена Степанова;
Биһирэбил бириистэри  Софья Ушницкая уонна Соня Палоян ыллылар.
«Харыйа оонньуура – 2022 сыл бэлиэтэ» номинацияҕа:
1 миэстэ – Егор Пантелеймонович уонна Нина Валерьевна Ивановтар;
2 миэстэ – Вася уонна Тамара Пермяковтар;
3 миэстэ – Оливия уонна Сергей Туприннар;
Биһирэбил бириистэринэн   Пелагея уонна Татьяна Зайцевалар, Алексей уонна Татьяна Чекалдиннар наҕараадаланнылар, анал бириистэр Александра Шадинаҕа уонна Ольга Казановаҕа тигистилэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...