29.12.2022 | 13:00

Хамнас алын кээмэйэ 16 тыһыынча солкуобайтан тахса буолар

Хамнас алын кээмэйэ  16 тыһыынча солкуобайтан тахса буолар
Ааптар: Айыына ДОНСКАЯ
Бөлөххө киир

2023 сылга хамнас алын кээмэйэ 16 242 солкуобайга тэҥнэһэр буолла. 
Хамнас алын кээмэйэ 6,3% улаатта. Итини сэргэ, хамнаһы ааҕыы бэрээдэгэ уларыйда: 2023 уонна 2024 сылларга хамнас алын кээмэйэ үлэлиир нэһилиэнньэ муҥутаан тиийинэн олоруутун алын кээмэйэ улаатар тэтимиттэн тутулуктаах уонна итинтэн 3 %-нан үрдүк буолар. «Үлэлиир нэһилиэнньэ ортотугар дьадаҥы, кыаммат дьон суох буолуохтаах. Үлэ киһиэхэ дьоһун дохуоту хааччыйыахтаах», - диэн бэлиэтиир дойду бэрэсидьиэнэ Владимир Путин.
2022 сылга хамнас алын кээмэйэ икки төгүл үрдээтэ – тохсунньу 1 күнүттэн 8,6% уонна бэс ыйын 1 күнүттэн – 10%. Ол түмүгүнэн, билиҥҥи туругунан, Арассыыйа үрдүнэн хамнас алын кээмэйэ 15 279 солкуобайга тэҥнэһэр. Регионнааҕы кээмэй эмиэ сыл аайы үрдүүр. Хамнас алын кээмэйэ: Москваҕа – 23 508 солкуобай, Санкт-Петербурга – 23 500 солкуобай, Дьокуускайга – 15 279 солкуобай (итиннэ Уһук Хоту компенсацията эбиллэр). Кэлэр сылтан ити кээмэйдэр үрдүүллэр. 
Үлэ кодексатынан, үлэһит биир ыйдааҕы хамнаһа алын кээмэйтэн кыра буолуо суохтаах. Арай толору күн эбэтэр нэдиэлэ үлэлээбэт буоллаҕына кыра буолуон сөп, ол эрэн ыйдааҕы алын кээмэйгэ тэҥнээн ааҕыллыахтаах. Ити ирдэбили кэһии иһин үлэнэн хааччыйааччы ыстараап төлүүр – ИП буоллаҕына – 10 000 солкуобайтан, тэрилтэ 30 000 солкуобайтан саҕалаан.
Сылын аайы хамнас кээмэйэ үрдээн иһэр. Росстат дааннайдарынан, 2022 сыл III-с кыбаарталыгар наймыга үлэлиир дьон хамнаһа 11,1 трлн солкуобай, ити 2021 сыл III-с кыбаарталын кытта тэҥнээтэххэ 1,1 трлн солкуобайынан улаатта, оттон 2022 сыл II-с  кыбаарталыттан – 157,2 млрд солкуобайынан элбэх.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...