Губинскай уокурукка саҥа воркаут-балаһаакка арылынна
![Губинскай уокурукка саҥа воркаут-балаһаакка арылынна](https://kiinkuorat.ru/wp-content/uploads/2023/09/kHt9RMcOX0.jpg)
Үөрүүлээх түгэнинэн олохтоохтору Губинскай уокурук Управатын салайааччыта Валентин Романов, Олохтоох дьаһалта физическэй култуураҕа уонна спортка Управлениетын начаалынньыга Эдуард Ефимов, «Главстрой» МХТ дириэктэрин солбуйааччыта Василий Румянцев эҕэрдэлээтилэр.
Воркаут-балаһаакка уулуссаҕа эрчиллэргэ аналлаах бары спортивнай тренажёрдарынан хааччыллыбыт. Мантан инньэ уокурук олохтоохторо, ордук оҕо аймах, сибиэһэй салгыҥҥа спордунан астына-дуоһуйа дьарыктаныахтара.
Тэрээһин кыттыылаахтара уулуссаҕа спортивнай балаһааккалары туруоруу улахан көдьүүстээҕин бэлиэтииллэр – бастатан туран, олорор дьиэлэртэн чугас уонна хас биирдии киһи эрчиллэр графигын бэйэтэ оҥостор кыахтаах.
Олохтоох дьаһалта физическэй култуураҕа уонна спортка Управлениетын информациятынан, 2021 сылга киин куоракка 15 воркаут арылынна, 2022 сылга – 12, оттон быйыл – 5 воркаут-балаһаакка. Кэнники үс сыл иһигэр барыта 32 спорт балаһаакката оҥоһулунна.
Манна даҕатан эттэххэ, балаҕан ыйын 3 күнүгэр өссө биир воркаут-балаһаакка Гагаринскай уокурукка арылынна.
Бырайыак «2020-2024 сылларга Дьокуускай уокуругун территориятыгар куорат аныгылыы туонатын оҥоруу» муниципальнай бырагыраама чэрчитинэн олоххо киирдэ. Физическэй култуураны уонна спорду өйүүр, чөл олоҕу пропагандалыыр сыаллаах «Воркаут-балаһааккалары тэрийии уонна тупсаран оҥорууну хааччыйыы» диэн хос бырагыраама оҥоһуллан үлэлиир.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)