Евгений Григорьев учууталлары эҕэрдэлээтэ
![Евгений Григорьев учууталлары эҕэрдэлээтэ](https://kiinkuorat.ru/wp-content/uploads/2023/10/XBtdtfswJl.jpg)
Арассыыйа Федерациятыгар Педагог уонна уһуйааччы сылынан, Учуутал күнүн көрсө, куорат баһылыга Евгений Григорьев Дьокуускай куорат уокуругун «Үөрэҕирии эйгэтин бочуоттаах уһуйааччыта» түөскэ анньынар бэлиэни М.К. Аммосов аатынан Хотугулуу-Илиҥҥи Федеральнай университет бэрэсидьиэнэ Евгения Михайловаҕа туттарда. Итинник бэлиэнэн 28-с №-дээх оскуола-интэринээт алын кылаастарын учуутала Феня Ефимова, Техническэй айымньы киинин эбии үөрэхтээһиҥҥэ старшай педагога Михаил Усов наҕараадаланнылар.
Үөрүүлээх тэрээһиҥҥэ Евгений Григорьев киин куорат педагогтарын эҕэрдэлээн туран үүнэр көлүөнэни иитиигэ, дьиҥнээх гражданин буолан тахсалларыгар учууталлар сүдү оруолларын бэлиэтээтэ.
«Дьокуускай стратегическай сайдыыта үгүс өттүгэр эһиги үлэҕититтэн тутулуктаах. Баараҕай бырайыактар үлэҕэ киириилэрэ дьону кытта сибээстээх. Иитээччилэр, учууталлар, эбии үөрэхтээһин үлэһиттэрэ хас биирдии оҕо ситиһиилээх сайдыытыгар, уопсастыбаҕа оннун буларыгар бигэ оҥкулун оҥороллор», - диэн бэлиэтээтэ Евгений Григорьев.
Бырааһынньыктааҕы тэрээһиҥҥэ бастыҥ педагогтарга үрдүк наҕаадалары туттардылар. «РФ Үөрэҕириитин эйгэтин бочуоттаах үлэһитэ» званиенан 5-с №-дээх орто оскуола физическэй култуураҕа учуутала Валентина Морозова, 1-гы №-дээх Марха орто оскуолатын нуучча тылыгар уонна литературатыгар учуутала Лидия Гаврильева, 17-с №-дээх орто оскуола саха тылыгар учуутала Вера Гоголева, Техническэй айымньы киинин дириэктэрэ директор Саргылана Иванова, П.И. Кочнев аатынан Тулагы орто оскуолатын английскай тылыгар учуутала Анастасия Софронеева наҕараадаланнылар.
СӨ үтүөлээх учуутала званиенан 35-с №-дээх орто оскуола нуучча тылыгар уонна литературатыгар учуутала Любовь Егорова наҕараадаланна.
Үөрэҕирии чулуу үлэһиттэригэр Дьокуускай куорат уокуругун үрүҥ көмүс бэлиэлээх бочуоттаах грамоталарын туттардылар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)