07.04.2022 | 13:00

Евгений Григорьев канализация коллекторын тутуутун бэрэбиэркэлээтэ

Евгений Григорьев канализация коллекторын тутуутун бэрэбиэркэлээтэ
Ааптар: Киин Куорат
Бөлөххө киир

Куорат баһылыга Евгений Григорьев муус устар 6 күнүгэр Чернышевскай уулуссатыгар 3 №-дээх канализация коллекторын тутуутугар «Водоканал» АУо бэрэстэбиитэллэрин кытта оробуочай мунньаҕы ыытта. Бу туһунан Олохтоох дьаһалта пресс-сулууспата иһитиннэрдэ.
«Водоканал» АУо генеральнай дириэктэрэ Анатолий Кырджагасов иһитиннэрбитинэн, үлэ график быһыытынан барар. 
«Эбийиэккэ үлэ сэтинньи ый ортотуттан саҕаламмыта. Кулун тутар ыйга диэри Гастелло уулуссатыгар тиийдибит. Ый иһигэр  Гастелло уулуссатыттан Лиза Чайкина уулуссатыгар диэри тиийэн үлэ уопсай уһуна 300 миэтэрэҕэ тэҥнэстэ. Кыһыҥҥы түөрт ый устата итиччэни барбыт буоллахпытына, билигин тэтимнээхтик үлэлээбит. Сир үлэтин бэс ыйын ортотугар диэри бүтэрэр былааннаахпыт, аспааллааһын сир хаптайбытын кэннэ оҥоһуллуоҕа», - диэтэ Анатолий Кырджагасов.
Куорат баһылыга бэлиэтээбитинэн, куорат олохтоохторуттан Ленин проспегын хапытаалынай өрөмүөнүн кытта 3 №-дээх канализация коллекторын тутуутунан элбэх ыйытык киирэр, онон «Водоканал» АУо бэрэстэбиитэллэрин тэтимнэрин ыһыктыбакка тутууну болдьоҕор бүтэрэргэ ыҥырда. 
Оробуочай мунньахха «Водоканал» АУо сэргэ куорат баһылыгын бастакы солбуйааччы Алексей Корнилов, «Куорат хаһаайыстыбатын үлэлэтэр сулууспа» МХТ дириэктэрэ Владимир Аммосов, тырааныспарга уонна суол хаһаайыстыбатыгар Управление начаалынньыга Василий Амбросов, СӨ ИДьМ ГИБДД Управлениетын бэрэстэбиитэллэрэ кытыннылар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...