Элбэх оҕолоох ыаллар уопсастыбаннай тэриллиилэрэ үлэлиэҕэ
![Элбэх оҕолоох ыаллар уопсастыбаннай тэриллиилэрэ үлэлиэҕэ](https://kiinkuorat.ru/wp-content/uploads/2021/12/k987gcA85Q.jpg)
Бүгүн, ахсынньы 23 күнүгэр, олохтоох дьаһалта уопсастыбаннай сибээстэргэ уонна ыччат политикатыгар Управлениятын көҕүлээһининэн «Счастливый мир» Дьокуускай элбэх оҕолоох ийэлэрин Сэбиэтэ» уопсастыбаннай тэриллии олохтонно. Ол туһунан Уокуруктааҕы дьаһалта пресс-сулууспата иһитиннэрдэ.
Уопсастыбаннай сибээстэргэ уонна ыччат политикатыгар Управление салайааччыта Ирина Атласова бэлиэтээбитинэн, Сэбиэт үлэтэ элбэх оҕолоох дьиэ кэргэннэри өйөөһүҥҥэ, бөҕөргөтүүгэ, ону кытта социальнай хайысхалаах бырайыактары киллэриигэ туһуланыаҕа.
««Счастливый мир» Дьокуускай элбэх оҕолоох ийэлэрин Сэбиэтэ» бэйэтин үлэтигэр ураты болҕомтону уопсастыба олоҕор дьиэ кэргэн оруолун, төрөппүт аптарытыатын үрдэтиигэ уонна биллэн турар, дьиэ кэргэттэр олохторун усулуобуйатын уонна хаачыстыбатын тупсарыыга ууруоҕа», – диэн бэлиэтээтэ Ирина Атласова.
Мунньахха кэмиэрсийэтэ суох тэрилтэ бэрэссэдээтэлэ уонна солбуйааччылара талылыннылар. Бэрэссэдээтэлинэн Галина Сидорова, (Сайсары уокуруга), солбуйааччыларынан – Светлана Дмитриева (Строительнай уокурук), Маргарита Якушева (Промышленнай уокурук), Чэмэлиинэ Данилова (Пригороднай сэл.,) буоллулар.
Мунньахха этиллибитинэн, Сэбиэт үлэтигэр аныгы судаарыстыбаннай политикаҕа оҕолоох дьиэ кэргэттэр интириэстэригэр туттуллар саҥа көрүүлэр, инновационнай ньымалар киириэхтэрэ.
Уопсастыбаннай сибээстэргэ уонна ыччат политикатыгар Управление саҥа уопсастыбаннай тэриллиигэ ситиһиилээх уонна таһаарыылаах үлэни баҕарда.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)