Эһиилгиттэн үлэтэ суох хаалбыт дьон босхо үөрэнэр кыахтаныахтара

Нэһилиэнньэ дьарыктаах буолуутун киинэ иһитиннэрэринэн, 2021 сылтан ханнык баҕарар үлэтэ суох хаалбыт киһи “Демография” национальнай бырайыак “Нэһилиэнньэ дьарыктаах буолуутун хааччыйыы” салаатын чэрчитинэн, идэтинэн үлэ булбат түгэнигэр, эбии атын идэҕэ үөрэниэн сөп буолуоҕа.

Идэни уларытар, үөрэнэр кыах үлэлэриттэн ууратыллаары сылдьар дьоҥҥо кытта бэриллиэҕэ. Маныаха үлэҕэ ылааччы тэрилтэлэр чуолаан ханнык специалистка наадыйаллара хайаан да учуоттанар буолуоҕа. Үөрэммит дьон үлэ булалларыгар көмөнү ылыахтара, үөрэнэ сылдьан үлэтэ суохтар босуобуйаларын ылыахтара.

2021 сылга 115 тыһыынча киһи үөрэнэрэ былааннанар, 2022-2024 сылларга – сыллата 125-тии тыһ. киһи босхо үөрэниэҕэ. 2019 сылтан, национальнай бырайыак олоххо киириэҕиттэн, дойду үрдүнэн 220 тыһ. киһи атын идэни баһылаата.

Төрөппүт үчүгэй үлэлээх буолара – оҕо  кэскилин түстүүр. Ол иһин дьарыктаах буолуу салаата “Демография” национальнай бырайыак иһинэн үлэлиир, дойду үрдүнэн дьарыктаах буолуу кииннэрин үлэтэ тупсарыллар.