08.05.2022 | 09:01

Дьокуускайга саҥа сквер баар буолуоҕа

Дьокуускайга саҥа сквер баар буолуоҕа
Ааптар: Раиса Чирикова
Бөлөххө киир

Саха АССР Конституциятын уонна Декларациятын бэлэмниир хамыыһыйа кыттыылааҕа Георгий Семенович Ефимов быйыл төрөөбүтэ 130 сылын туолла.

Г.С. Ефимов 1892 сыл муус устар 10 күнүгэр Дьааҥы Бастакы Дьуhаал (билиҥҥи  Дулҕалаах) нэһилиэгэр Семен Васильевич Ефимов-Дьуhаал Сэмэн дьиэ кэргэнигэр төрөөбүтэ. Дьэкиимэп аҕа ууhуттан өрөбөлүүссүйэ иннинэ Дьааҥы биллэр баайдара, меценаттара, үөрэхтээхтэрэ, улуус кулубалара үөскээбиттэрэ. Сэбиэскэй кэмҥэ Дулҕалаах Дьэкиимэптэриттэн Саха норуодунай поэта Моисей Дмитриевич Ефимов тахсыбыта. 

Георгий Ефимов төрөөбүтэ 130 сылынан
Дьааҥы улууhун Дулҕалаах  нэhилиэгэр  "Баччаhыт" диэн сиргэ Дьэкиимэп аймах биир биллэр өтөхтөрүн улуус бүддьүөтүттэн сөргүтэн, үөрүүлээх быһыыга-майгыга арыйыы сиэрэ-туома ыытылынна. 
Тэрээhиҥҥэ Дьокуускайтан норуодунай поэт М.Д. Ефимов сиэнэ, "Саха" НКИК генеральнай дириэктэрин бастакы солбуйааччы Ирина Владиславовна Ефимова уонна СӨ култууратын үтүөлээх үлэһитэ, Олоҥхо тыйаатырын үлэһитэ Виктор Павлович Стручков ыалдьыттаатылар. 

Дьааҥы улууhун баhылыга Г.И. Чириков туруорсуутунан, СӨ Ил Дархана А.С.Николаев дьаhалынан тэриллибит Георгий Семенович Ефимов төрөөбүтэ 130 сылыгар аналлаах СӨ Бырабыыталыстыбатын анал хамыыһыйатын бырагырааматынан тэрээһиннэр сыл  устата ыытыллыахтара. Ол курдук, Дьокуускайга Г.С.Ефимовка аналлаах сквер арыллыаҕа, бюст туруоҕа, научнай-практическай конференция тэриллиэҕэ, "Национальнай интеллигенция" сиэрийэҕэ Г.С.Ефимов олоҕор анаммыт кинигэ тахсыаҕа.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...