Дьокуускайга бөх полигона тутуллар

Полигон олоҕор инертнэй матырыйааллары – кумаҕы уонна хайыр тааһы таһан куталлар.  Тутуу биригээдэтигэр анаан быстах олорор сир оҥоһуллубут. Графигы тутуһар сыалтан эбии тиэхиньикэ көрүллүбүт, кумаҕы таһыы логистиката чопчуламмыт.

«Сорукпут – болдьоҕу тутуһан, былааннаммыт үлэни сыл бүтүөр диэри түмүктээһин. Билигин сүрүн үлэбит диэн полигон олоҕун оҥоруу, манна сири уонна ирбэт тоҥу харыстыыр сыаллаах инертнэй матырыйааллары дьапталҕалыы ууруохтаахпыт», - диэн иһитиннэрдэ Виктор Романов.

Полигоҥҥа пенополистирол билиитэлэр бастакы баартыйалара кэллэ. Тутуу технологиятыгар олоҕуран, полигон тас өттүгэр хааччахтыыр дамба уонна көмүскүүр анал экран баар буолаллара былааннанар.  

Бэлиэтээн эттэххэ, полигон тутуута «Экология» национальнай бырайыак чэрчитинэн ыытыллар.