«Дьокуускай куорат олохтоохтор харахтарынан» куонкурус биллэрилиннэ

Олохтоох дьаһалта «Дьокуускай куорат олохтоохтор харахтарынан» куораттааҕы хаартыска күрэҕин биллэрдэ. Куонкурус Дьокуускай куорат 390, Саха АССР 100 сылларыгар ананар.  Бу туһунан Олохтоох дьаһалта Уопсастыбаннай сибээскэ уонна ыччат бэлиитикэтигэр управлениета иһитиннэрдэ. 
Куонкурус биэс номинациянан ыытыллар:
- «Взгляд в прошлое» - историческэй, 19-20 үйэтээҕи куорат эйгэтин уонна олохтоохторун хаартыскалара;
- «Лучшая репортажная фотография» - маассабай тэрээһиннэртэн, куорат дьонун күннээҕи олохторуттан «жанровай» хаартыскалар;
- «Люди нашего города» - куорат олохтоохторун биирдиилээн уонна бөлөҕүнэн хаартыскалара (мэтириэттэрэ);
- «Лучшее архитектурное фото» - куорат кэрэхсэбиллээх сирдэрэ, архитектура пааматынньыктара, саҥардыллыбыт, ол эрэн биллэр эргэ дьиэ эбэтэр миэстэ;
- «Якутск трудовой» - куорат тэрилтэлэрин күннээҕи үлэлэрин-хамнастарын көрдөрөр биирдиилээн эбэтэр кэлэктиибинэн түспүт хаартыскалар.
Куонкуруска кыттарга 2022 сыл бэс ыйын 17 күнүгэр диэри (итини күнү киллэрэн туран) хаартыскалары уонна сайаапкалары foto390@mail.ru электроннай почтаҕа ыытыллар. 
Күрэх түмүктэрэ 2022 сыл балаҕан ыйыгар, Дьокуускай куорат төрүттэммитэ 390 сылын бэлиэтиир бырааһынньык чэрчитинэн, тахсыахтара. Бастыҥ үлэлэр ааптардара дипломнарынан уонна сыаналаах бириистэринэн, кыттааччылар – сертификаттарынан наҕараадаланыахтара. Итини тэҥэ хаартыскалар  «Дьокуускай куорат олохтоохтор харахтарынан» быыстапкаҕа кыттыахтара уонна киин куорат  төрүттэммитэ 390 сылыгар анаммыт үбүлүөйдээх хаартыска альбомугар киириэхтэрэ. 
Куонкуруһу сүрүннээччи – Олохтоох дьаһалта Уопсастыбаннай сибээскэ уонна ыччат бэлиитикэтигэр управлениета. Билсэр төлөпүөн: (4112) 40-80-36, эбэтэр 423-с кэбиниэт.