16.05.2022 | 18:00

Дьокуускай Бүтүн Арассыыйатааҕы «Бизнес утуйбат» аахсыйаҕа кыттар

Дьокуускай Бүтүн Арассыыйатааҕы «Бизнес утуйбат» аахсыйаҕа кыттар
Ааптар: Киин Куорат
Бөлөххө киир

Ыччат дьыалаларыгар Федеральнай агентство (Росмолодёжь) Росмолодёжь.Бизнес трега (тректар – чопчу тиэмэлээх бырайыактар бөлөхтөрө) ыам ыйын 26 күнүгэр – Предприниматель күнүгэр «Бизнес утуйбат» Бүтүн Арассыыйатааҕы аахсыйаны саҕалыыр. Аахсыйаҕа 11 куорат уонна предпринимательство эйгэтигэр үлэлиир 20 эксперт кытталлар. Бу туһунан Олохтоох дьаһалта Yakutskcity.ru сайта иһитиннэрдэ. 
Предпринимателлэр быһа эфиргэ тахсан бизнеһы хайдах саҕалыыргэ ситиһиилээх «кейстэр» тустарынан кэпсиэхтэрэ, сүбэ-ама, туһааннаах инструкция биэриэхтэрэ. Онлайн-көрөөччүлэр ыйытыктарын трансляция кэмигэр модератор   нөҥүө биэриэхтэрин сөп. 
Аахсыйа ыам ыйын 26 күнүгэр, Москва бириэмэтинэн 08:45 чааска саҕаланара былааннанар. Бастакынан Петропавловск-Камчатскай саҕалыахтаах, онтон эстафетаны Владивосток ылыахтаах. Салгыы – Дьокуускай, Иркутскай, Красноярскай, Новосибирскай, Екатеринбург, Самара, Казань, Сочи уонна Калининград куораттар кытталлар. Онлайн-трансляция күнү быһа ыытыллар. Тэрээһиҥҥэ сирэй көрүҥүнэн сатаан кыттыбат дьон быһа эфиргэ Росмолодёжь.Бизнес «Вконтакте» https://vk.com/rosmolodez.business официальнай сирэйигэр холбонуохтарын сөп.
«Арассыыйа хас биирдии региона тус-туспа уратылаах. Ол иһин, бизнес оҥосторго предприниматель географическэй балаһыанньаны уонна, оннооҕор, менталитеты кытта учуоттуур. Арассыыйа киин өттүгэр олорон, биһиги, холобур, Владивосток ритейлын эйгэтэ хайдах оҥоһуулааҕын билбэппит. Ол эрэн, ити регион кыаҕын уонна дьонун кытта билсэн, саҥа саҕахтары арыйыахха,  бизнес-партнёрдары булуохха сөп. «Бизнес утуйбат» аахсыйа – дойду хайа баҕарар географическэй зонатыгар бэйэ дьыалатын саҕалыырга хас биирдии хардыыны ыйар-кэрдэр инструкция. Ити уопсай сайдыыга эрэ буолбакка, урут баар бизнес-бырайыагы кэҥэтэргэ эмиэ туһалаах», — диэн быһаарда Росмолодёжь.Бизнес трек салайааччыта Алексей Рвачёв.
Тэрээһин сүрүн сыала – бизнес эйгэтин баай уопутун сомсуу, саҥа дьону кытта билсии, предпринимательство экосистиэмэтин туһунан билиини хаҥаттыы. Аахсыйаҕа кыттарга 18 саастарыттан 35 саастарыгар диэри Арассыыйа олохтоохторун ыҥыраллар. «Бизнес утуйбат» аахсыйаҕа регистрациялааһын сигэтэ: https://myrosmol.ru/event/95791. 
 Ыччат дьыалаларыгар Федеральнай агентство (Росмолодёжь)  Росмолодёжь.Бизнес трегын сэргэ тэрийээччилэринэн регионнааҕы үрдүк үөрэх кыһалара, ыччат дьыалаларыгар кэмитиэттэр, ыччат бэлиитикэтигэр департаменнар, «Мин бизнеһим» тэрилтэ уонна «Билии» уопсастыба буолаллар.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
НВК Саха бырагыраамата муус устар 8-14 күннэригэр
Сонуннар | 07.04.2024 | 10:00
НВК Саха бырагыраамата муус устар 8-14 күннэригэр
Понедельник, 8 апреля 6:00 Сана кун 6+ 9:00 Утро Якутии 6+ 10:00 Саха Сирэ 12+ 10:15 Саха сатаабата суох 6+ 10:45 Сайдыс 6+ 11:15 Улэ дьоно 12+ 11:45 Репортаж 12+ 12:00 "Якутия" информационная программа 12+ 12:15 Эйгэ 6+ 13:30 "Саха Сирэ-Якутия" информационная программа 12+ 14:00 Тэтим 6+ 15:00 Уонна...12+ 16:00...