Чэпчэтиилээх ипотеканы уһатыахтарын сөп

2020 сыл үһүс кыбаарталын түмүгүнэн, 6,5 %-наах ипотека бырагырааматын уһатар туһунан боппуруос көрүүлүөн сөп диэн киин бэчээккэ иһитиннэрдилэр. Тутуу миниистирэ Владимир Якушев этэринэн, саҥа дьиэҕэ ипотеканы элбэх киһи ылла.

Арассыыйа бааннара былааннаммыт бырагырааматтан 70%-тан тахсаны номнуо биэрбиттэр. Уопсайа 160 миллиард солкуобайга дьиэ ылбыттар. 6,5%-наах ипотеканы уһатыы үһүс кыбаартал түмүгүнэн биллиэхтээх.

Билиҥҥи туругунан, сэтинньи 1 күнүгэр диэри 6 мөлүйүөҥҥэ диэри суумалаах кирэдьиити чэпчэтиилээхтик ылаллар, оттон Москваҕа, Санкт-Петербурга, Москва уонна Ленинград оройуонугар 12 мөлүйүөҥҥэ тиийэ суума буолар.