20.04.2024 | 16:00

Cааскы бултан сонун бүлүүдэлэр

Cааскы бултан сонун бүлүүдэлэр
Ааптар: Киин Куорат
Бөлөххө киир

Кус этиттэн тушенка

Кус этэ – 1 кг;

Лавровай илиис – 2 уст.;

Гвоздика – 2 уст.;

Душистай биэрэс – 2 уст.;

Туус, биэрэс.

 

Кус этин сууйан, тириитин ылан, ыраастаан, кырбастаан баран кумааҕы салфеткаҕа ууран куурдабыт, ордук уутун сүүрдэбит. Тушенка оҥорорго уҥуоҕа суох этэ эрэ барар.

Кус этин кураанах миискэҕэ кутан тууһуубут, биэрэстиибит, пищевой пленканан сабан холодильникка биир чаас устата сынньатабыт.

Тушенка оҥорор өстүөкүлэ бааҥкаларбытын үчүгэйдик сууйабыт, суоданан сууйар ордук, куурдабыт. Бааҥка анныгар биир лавровай илиис, гвоздика, биэрэс уурабыт. Эппитин күүскэ дьапталҕалаабакка, ол эрэн салгына суох гына сааһылаан угабыт.

Бааҥка үс гыммыт иккитэ эрэ толоруллуохтаах, миэстэ хаалыахтаах.

Икки хос тутуллубут фольганан хаппахтыыбыт уонна духуопка илииһигэр ууран тымныы оһоххо угабыт. 180 кыраадыска 2 чаас устата буһарабыт.

Икки чаас ааспытын кэннэ духуопкабытын араарабыт уонна бааҥкаларбытын оһохпут кыратык сойуор диэри хаалларабыт. Ол бириэмэҕэ хаппахтары стерилизациялыыбыт.

Бааҥкаларбытын таһаартаан хаппахтаан кэбиһэбит. Суорҕаҥҥа суулаан сойутабыт. Маннык тушенка сөрүүн, хараҥа сиргэ хараллар. Кыһын устата сокууска оҥостон, араас гарниры кытта сиэххэ сөп.

Кустан халадьыас

Кус – 2 кг;

Эриэппэ луук – 160 г;

Моркуоп – 100 г;

Чеснок- 40 г;

Лавровай илиис – 2 уст.;

Туус, хара биэрэс – бэйэҕит сөбүлүүргүтүнэн;

Желатин – 15 г.

 

Кустан халадьыас оҥорор олус судургу уонна састааба да боростуой. Дьиэтээҕи иитии кус этэ өр буһар, булт куһа астанара дэбигэс буолар. Буспут кус этэ уҥуоҕуттан холкутук арахсар буоллаҕына, халадьыас бэлэм диэн буолар.

Желатины хаҕыгар суруллар инструкциятынан бэлэмниибит. Түргэнник суураллар желатины биир ыстакаан кус миинигэр кутан булкуйуохха сөп. Гранула желатины биир ыстакаан тымныы ууга 5-10 мүнүүтэ үллэриллэр, онтон биирдэ кус миинигэр кутуллар.

Куһу астыыбыт, сууйабыт, чаастарга араартыыбыт. Улахан көстүрүүлэҕэ уган тымныы уунан саба кутабыт.

Хаппахтаабакка эрэ уокка ууран туран оргутабыт. Оргуйбутун кэннэ хорҕунун баһан ылабыт, уотун намыратабыт уонна чаас аҥаара тэптэрэбит.

Ол кэмҥэ моркуоппутун, луукпутун ыраастыыбыт, сууйабыт. Чаас аҥаара оргуйбут мииммитигэр кутабыт. Өссө балтараа чаас кыра уокка буһарабыт.

Мииммититтэн этин хостоон ылабыт. Миинигэр хара биэрэс, лавровай илиис, бытархай гына кырбаммыт чеснок кутабыт. 5 мүнүүтэ оргутабыт.

Сойо илик мииммитин сиидэлиибит, бүтүннүү укпут моркуоппутун уонна луукпутун хостоон быраҕабыт. Сиидэлэммит мииммитигэр желатиммытын эбэбит, желатин хомуоҕурбатын туһугар өссө биирдэ сиидэлээн ылыахха сөп.

Кус этин сааһынан араартыыбыт. Формаларга эбэтэр пиалаларга үллэрэн уурабыт уонна үрдүгэр мииммитин кутабыт. Сойутабыт. Сойбутун кэннэ холодильникка уган 4-6 чаас тымнытабыт.

Тоҥмут халадьыаһы форматтан хоҥнорорго сылаас ууга уган ылан баран умса тутабыт.

Сүөгэйгэ буспут кус

Кус – 1 уст.;

Моркуоп – 1 уст.;

Эриэппэ луук – 1 уст.;

Болгарскай биэрэс – 2 уст.;

Сүөгэй – 200 мл;

Туус, араас тума.

 

Куспутун сууйабыт, чаастарга араартыыбыт. Дириҥ көстүрүүлэҕэ уган, уулаан буһара уурабыт. Буhа турар кэмигэр моркуоппутун синньигэс гына кырбаан ыhаарылыыбыт, онно эбии луукпутун кырбаан ыһаарылыыбыт. Лууктаах моркуоппутугар эмиэ уһун синньигэс гына кырбаммыт биэрэспитин кутан ыһаарылыыбыт.

Куспут оргуйбутун кэннэ хостоон ылан, били ыhаарылаабыт моркуоппутун, биэрэспитин, луукпутун кутабыт, сүөгэйдиибит уонна кып-кыра уокка биир чаас устата хаппахтаах буһарабыт.

Ханнык баҕарар гарниры кытта барсар ас буолан тахсар.

Кус этиттэн шашлык

Кус – 1 кг;

Эриэппэ луук – 2 уст.;

Лимон  аҥаара;

Туус, биэрэс, араас тума;

Оҕуруот аһын арааһыттан – 500 г.

 

Кус этин шашлыкка барсар кээмэйдээх гына кырбастыыбыт, атаҕын уҥуоҕун араарбакка кытта бэлэмниэххэ сөп. Туустаан, тумалаан, лимон сүмэһинин ыган баран биир чаас устата холодильникка туруоран маринуйдуубут.

Шампурга иилэн баран мангалга ханнык баҕарар эти шашлыктыыргыт курдук буһараҕыт. Маннык шашлыгы мас үтэһэлэргэ үөлэн дьиэҕэ духуопкаҕа буһарыахха эмиэ сөп.

Фольгаҕа буспут кус

Эриэппэ луук  – 1 уст.;

Моркуоп – 1 уст.;

Хартыыһа – 1 ост. нь.;

Туус, биэрэс.

 

Куспутун астаан баран хартыыһанан сотобут – этин сымнатар, үчүгэй амтаны биэрэр. Эриэппэ луугу ортотунан аҥаардаан баран кус иһигэр угабыт, моркуобу түөркэлээн кутабыт, тууһуубут, биэрэстиибит.

Салгын ханан да тахсыбат гына фольгаҕа суулаан, ким духуопката хайдаҕыттан көрөн 40-45 мүпүүтэ буһарабыт. Гарнирыгар ууга буспут хортуоппуй олус барсар. Кус этин фольгаҕа хаалбыт арыытыгар умньаан сиэниллэр.

Ыһаарыламмыт кус

Кус – 1 уст.;

Ынах арыыта – 40 г;

Уу – 1 ыст.;

Лимон – 1 уст.;

Туус, тума.

 

Куспутун дириҥ иһиккэ ынах арыытын уулларан ыһаарылыыбыт, туустуубут, тумалыыбыт. Онтон биир ыстакаан ууну кутан духуопкаҕа 1 чаас устата туруоран буһарабыт. Буһан тахсарын саҕана биир лимон сүмэһинин үрдүгэр таммалатабыт.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...