01.02.2024 | 19:00

Болҕойуҥ! «Эдэр кэрэспэндьиэн» күрэҕин биллэрэбит!

Дьокуускай куорат сахалыы тылынан тахсар “Киин куорат” хаһыатын «Оҕолорбут барахсаттарга» балаһата сахалыы тылынан өйтөн суруйууга аһаҕас күрэҕи биллэрэр. Тэрээһин өрөспүүбүлүкэ үрдүнэн Оҕо саас сылын чэрчитинэн ыытыллар.
Болҕойуҥ! «Эдэр кэрэспэндьиэн» күрэҕин биллэрэбит!
Ааптар: Айталина СОФРОНОВА
Бөлөххө киир

Айар үлэ соруктара:

- Сахалыы ааҕыыны көҕүлээһин;

- Сахалыы толкуйдуур дьоҕуру сайыннарыы;

- Санааны сааһылаан, уус-уран тылынан-өһүнэн сурукка тиһэр кыаҕы үөскэтии;

- Сурук-бичик эйгэтигэр талааннаах ыччаты киэҥ эйгэҕэ билиһиннэрии.

Ыытыллар кэмэ: Үлэни олунньу 1 күнүттэн муус устар 1 күнүгэр диэри «Өйтөн суруйуу» диэн бэлиэлээх маннык аадырыска тутабыт: samaralina2020@mail.ru. Ыйыллыбыт кэм кэнниттэн киирбит үлэлэр көрүллүбэттэр.

Күрэскэ 5-11 кылааска үөрэнэр орто оскуолалар, лиссиэйдэр, гимназиялар үөрэнээччилэрэ, оҕо дьиэтин, оскуола-интэринээт иитиллээччилэрэ кытталлар.

Үлэлэри Word киэпкэ таҥаҕыт. Кээмэйэ муҥутаан 2 сирэй (шрифт — 14 Times New Roman). Күөн күрэс босхо ыытыллар.

Кыттааччылар үлэни кытта Анкета толорон ыыталлар.

Анкета:

1. Араспаанньата, аата, аҕатын аата

2. Үлэтин аата

3. Улууһа, нэһилиэгэ, оскуолата, кылааһа

4. Төлөпүөнэ, электроннай почтата

 

Өйтөн суруйуу тиэмэлэрэ (хас биирдии үлэҕэ 3-4 хаартыска ирдэнэр):

- «Мин дьиэ кэргэним»;

- «Төрөөбүт тылбытын харыстыахха»;

- «Аныгы кэм лидерэ хайдах буолуохтааҕый?»

- «Мин доҕорум»;

- «Сэдэх уонна дьикти идэлээх дьону кытта интервью»;

- «Төрөөбүт дойдум сарсыҥҥы күнэ уонна бүгүҥҥүтэ мин көрүүбэр»;

- «Туох үлэһит буолабыный уонна тоҕо бу идэни таллым?»

- «Мин үөрэнэр оскуолам»

 

Суруйуу маннык ирдэбиллэринэн сыаналанар:

- Талыллыбыт тиэмэни сөптөөхтүк арыйыы;

- Тиэмэҕэ тус бэйэ сыһыанын, толкуйун киллэрии;

- Санааны сааһылаан суруйуу, уус-уран хомоҕой тылы туттуу.

Биһирэбил: кыттыылаахтарга электроннай туоһу сурук, кыайыылаахтарга добун сурук, биһирэммит үлэлэргэ анал ааттар иҥэриллэллэр. Бастыҥ үлэлэр «Киин куорат» хаһыакка тахсаллар. Уопсай түмүк муус устар 11 күнүгэр «Киин куорат» хаһыат «Оҕолорбут барахсаттарга» балаһатыгар бэчээттэниэҕэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!