Биэнсийэлээхтэри «Интэриниэккэ махтал-2022» куонкуруска ыҥыраллар

Аҕам саастаах гражданнар көмпүүтэри уонна интэриниэти баһылыылларын сайыннарар сыаллаах, Национальнай интэриэстэри олоххо киллэриини сүрүннүүр киин 2022 сыл муус устар 25 күнүгэр Бүтүн Арассыыйатааҕы  «Интэриниэккэ махтал-2022» көмпүүтэри баһылааһыҥҥа биэнсийэлээхтэр тус ситиһиилэрин күрэҕин биллэрдэ. Бу туһунан СӨ Үлэҕэ уонна социальнай сайдыыга министиэристибэтин иһинэн үлэлиир «Социальнай харалта «Победа» ресурснай киинэ» СБТ иһитиннэрдэ.
Куонкурус тэрийээччилэрэ – «Арассыыйа Пенсионнай пуондата» уонна «Ростелеком» ПАУо.
Күрэххэ кыттарга биэнсийэлээхтэр уонна 50 саастарын ааспыт, көмпүүтэри уонна интэриниэти бэйэлэрэ, эбэтэр кууруска үөрэнэн баһылаабыт гражданнары ыҥыраллар. 
Куонкурус номинациялара:
- «Портал gosuslugi.ru: мой опыт»,
- «Мои интернет-достижения»;
- «Интернет-предприниматель»;
- «Моя общественная интернет-инициатива»;
- «Я - интернет-звезда».
Куонкуруска кыттар үлэлэри 2022 сыл муус устар 25 күнүттэн алтынньы 16 күнүгэр диэри туталлар. Кыттааччы туһунан информацияны «Конкурс интернет» диэн бэлиэлээн 2022 сыл балаҕан ыйын 30 күнүгэр диэри rcsz_mt@gov14.ru электроннай аадырыска, эбэтэр  azbukainterneta.ru/konkurs/zayavka/ сайтка сайабылыанньаны ыытыахха сөп. Итиннэ куонкуруска кыттар эссе-үлэни уонна икки хаартысканы сыһыаран ыытыллар.