Бэйэ изоляцията өссө 14 күн уһаата

Коронавируһу утары хааччах Саха сиригэр бэс ыйын 14 күнүгэр диэри уһаата.

Бу туһунан ыйаахха Ил Дархан Айсен Николаев бүгүн, ыам ыйын 30 күнүгэр, илии баттаата. Ол курдук, хааччахтыыр миэрэ улуустарга дьону таһыыга, оптуобустарга уонна уу тырааныспарыгар оннунан хаалар. Булгуччулаах хааччахтаныы эрэһиимэ эбии Мэҥэ Хаҥалас оройуонун Майа уонна Хара, Нам улууһун Ленскэй, Үөдэй, Искра, Модут, Никольскай, Партизан, Таастаах, Түбэ, Хамаҕатта, Хатыҥ Арыы, Хатырык, I Хомустаах, Маймаҕа, Бөтүҥ нэһилиэктэригэр киирдэ.

Аралдьытар-сынньанар, атыы-эргиэн кииннэрэ, дьаарбаҥкалар, ырыынактар, кафелар үлэлэрэ бу кэмҥэ тохтуур. Аһылыгы дьиэҕэ тиэрдэн биэрии өҥөтө үлэлиэн сөп.