Бэс Күөл сэлиэнньэтигэр саҥа оскуола тутуллуоҕа
![Бэс Күөл сэлиэнньэтигэр саҥа оскуола тутуллуоҕа](https://kiinkuorat.ru/wp-content/uploads/2022/05/SnEHrbB5Q6.jpg)
Былырыын ойуур баһаарыттан эмсэҕэлээбит Бэс Күөл сэлиэнньэтигэр быйыл 150 миэстэлээх саҥа оскуола тутуллуоҕа. Бу күннэргэ бэдэрээтчит чопчуланна, үлэ сайыҥҥыттан саҕаланар буолла. Саҥа үөрэҕирии тэрилтэтэ Арассыыйа бэрэсидьиэнэ Владимир Путин сорудаҕынан тутуллар. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
«Бэс Күөлүн оҕолоругар хаачыстыбалаах уонна аныгы үөрэҕириини тэрийэр усулуобуйаны оҥоруу дьоһун суолталаах. Саҥа оскуола тутуута – бары уопсай эппиэтинэспит. Үлэ хаачыстыбалаахтык уонна график быһыытынан ыытыллыан наада», – диир Ил Дархан Айсен Николаев.
Оскуола тутуута 2023 сыл бүтүөр диэри түмүктэнэрэ былааннанар. Саҥа оскуола үөрэнэр-лабораторнай тэрилинэн, көмпүүтэринэн, аныгы интерактивнай дуоскаларынан, малынан толору хааччыллыахтаах.
«Үлэни ыытарга ИСК «Союз» ХЭТ кытта хантыраак түһэрсилиннэ. Техзаданиеҕа олоҕуран, 150 миэстэлээх саҥа таас оскуолаҕа үөрэнэр кылаастар, лаборантскайдар уонна мастарыскыайдар, актовай уонна спортивнай саалалар, библиотека, пищеблоктаах остолобуой, медицинскэй уонна административнай кэбиниэттэр баар буолуохтара. Оскуола отой «под ключ» оҥоһуллуоҕа», - диэн иһитиннэрдэ «СӨ Судаарыстыбаннай сакаасчытын сулууспата» СХТ генеральнай дириэктэрэ Петр Кушкирин.
Билиҥҥи кэмҥэ Бэс Күөл оҕолоро 1982 сыллаахха тутуллубут мас дьиэҕэ үөрэнэллэр, оскуола 134 үөрэнээччилээх.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)