24.07.2023 | 17:37

Айсен Николаев уонна Евгений Григорьев киин куоракка ыытыллар тутуу хаамыытын бэрэбиэркэлээтилэр

Айсен Николаев уонна Евгений Григорьев киин куоракка ыытыллар тутуу хаамыытын бэрэбиэркэлээтилэр
Ааптар: Киин Куорат
Бөлөххө киир

Ил Дархан Айсен Николаев уонна куорат баһылыга Евгений Григорьев Дьокуускай куоракка нацбырайыагынан тутуллар эбийиэктэри бэрэбиэркэлээтилэр. 
«Куттала суох уонна хаачыстыбалаах» суоллар нацбырайыагынан тутуллар Можайскай уулуссатын «Дороги Саха» АУо оҥорор.
«Главстрой» МХТ салайааччыта Алексей Варламов иһитиннэрбитинэн, быйыл манна коммуникациялары, ол иһигэр уот, гаас, канализация, сибээс ситимнэрин бүтэрэллэр. Бырайыак быһыытынан «Белое озеро» маҕаһыынтан саҥа «Сулус» спорт комплексыгар диэри аспаалланар, суол икки өттүнэн тротуар ууруллар, ону сэргэ икки сылаас тохтобул туруоруллар. Нэһилиэнньэ көрдөһүүтүнэн «Сулус» спорт комплексын таһыгар светофор баар буолуоҕа, хаалбыт учаастакка Строд уулуссатыгар диэри суол балаһата түөркэ тиийэ кэҥиэҕэ, оттон аспаала уонна көҕөрдүүтэ, тупсарыыта эһиилгигэ былааннанар. Онон Можайскай уулуссатын саҥардан оҥоруу былаана 2024 сыл төрдүс кыбаарталыгар турар. 
Марха оройуонугар Айсен Николаев уонна Евгений Григорьев Маҕан суолун 2 км Дьокуускай куоракка түмүктэнэн эрэр Үс сыллаах тупсарыы сылларынан уонна «Уһук Илиҥҥэ - 100 тиэргэн» федеральнай бырайыагынан тутуллар 1, 2, 3 нүөмэрдээх дьиэлэр тиэргэннэрин өрөмүөнүн бэрэбиэркэлээтилэр. Тутууну «Кинг-95» ХЭУо ыытар. Евгений Григорьев бэлиэтээбитинэн, бүгүҥҥү күҥҥэ манна инжереннэй ситимнэри көһөрөллөр, аспаал уурар сири бэлэмнииллэр, бордюр куталлар. Үлэ балаҕан ыйын 30 күнүн эргин түмүктэниэхтээх.
Эриэйдэ кыттыылаахтара маны сэргэ Дьокуускайдааҕы кадеттар оскуола-интэринээт дьиэлэрин тутуу хаамыытын кытта билистилэр. Бэлиэтээн эттэххэ, Кадеттар оскуолалара «Үөрэҕирии» национальнай бырайыак «Аныгы оскуола» федеральнай бырайыагынан тутуллан, эһиил үлэҕэ киириэхтээх.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...