31.03.2020 | 11:39

Арыгы атыыта бобулунна, оптуобус аҕыйаата

Арыгы атыыта бобулунна, оптуобус аҕыйаата
Ааптар: Киин Куорат
Бөлөххө киир

Ил Дархан бэнидиэнньик киэһэ таһаарбыт Укааһыгар олоҕуран, коронавирус инфекциятын тарҕаныытын хонтуруоллуур туһугар, дьиэҕэ олоруу эрэһиимэ Дьокуускайга (манна киин куорат аттынааҕы нэһилиэктэр бары киирсэллэр), Жатайга, Мииринэй уонна Нерюнгри оройуоннарыгар “толору самоизоляция” эрэһиимэ олохтонно.

Билиҥҥи кэмҥэ ордук ирдэнэр идэлээхтэр эрэ үлэлэригэр бараллар-кэлэллэр, чугастааҕы маҕаһыыҥҥа тахсыаххытын, ыты дьиэҕит таһынан эрэ дьаарбатыаххытын, бөххүтүн быраҕыаххытын сөп. Онтон атын биричиинэлээх таһырдьа тахсаргыт сөбө суох.

Хас биирдиибит эппиэтинэһэ маннык кэмҥэ үрдээн биэрэр. Бэйэ-бэйэбитин харыстыаҕыҥ, ыарыы тарҕаныытын бытаардыаҕыҥ!

Ону тэҥэ, дьиэҕэ олоруу эрэһиимин кэмигэр арыгы атыыта бобулунна.

Муус устар 5 күнүгэр диэри Дьокуускайга оптуобус сырыыта аҕыйаата. Сарсыарда 06.30 чаастан 09.00 чааска диэри (10-нуу мүнүүтэ арыттаах) уонна киэһэ 17.30 чаастан 20.00 чааска диэри (15-тии мүнүүтэ быыһылаан) оптуобустар сылдьыахтара.

Оттон күнүс уонна киэһэ 8 чаас кэннэ оптуобустар сырыылара тохтоото.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.