Ааспыт сууккаҕа 72 киһи коронавирустаата, 2 киһи тыына быһынна

Бүгүн, бэс ыйын 5 күнүнээҕи эпидемиологическай туругу Доруобуйа харыстабылын миниистирэ Елена Борисова брифинигэр иһитиннэрдэ.

Ааспыт суукка устата 72 киһи коронавирустаата, онтон 64 – Дьокуускайга, үстүү – Намҥа уонна Алдаҥҥа, 2 – Мииринэйгэ.

Билигин 1000-тан тахса киһи балыыһаҕа киирэн эмтэнэр. Ааспыт сууккаҕа 100 киһи үтүөрэн таҕыста.

Оҕо ыалдьара элбээтэ – коронавирустаабыт дьон 40 бырыһыана оҕолор буоллулар. Кинилэр ыарыыны чэпчэкитик уонна сибикитэ суох аһарыналлар, ол иһин ыарыыны тарҕатааччы оруолун толороллор.

Ааспыт сууккаҕа 2 киһи тыына быһынна.

Дьаҥ тарҕаныаҕыттан Саха сиригэр коронавирустаабыт киһи ахсаана 2380 буолла, 1137 киһи үтүөрдэ, 12 киһи суорума суолланна. 18 киһи ыарахан туруктаах сытар, 531 киһи ыарыыны чэпчэкитик аһарыналлар. Ааспыт сууккаҕа лабораториялар 3469 анаалыс оҥордулар.