31 км тахса суол оҥоһулунна

«Куттала суох уонна хаачыстыбалаах суоллар» нацбырайыагынан 2024 сылга Дьокуускай куоракка уопсайа 31,495 км усталаах уулусса-суол ситимигэр тупсарыы, өрөмүөн, хапытаалынай үлэ ыытылынна. 
Бүгүҥҥү туругунан былааннаммыт 21 эбийиэктэн 15-гэр үлэ түмүктэннэ:
- Винокуров уулуссатын Ильменскэй уулуссатыттан Чайковскай уулуссатыгар диэри кэрчигэ;
- Бүлүүлүүр суол быһа охсуһуутун Лермонтов уулуссатыттан Объездной шоссеҕа диэри кэрчигэ (1-кы комплекс);
- Автомобилистар уулуссаларын Автодорожнай уулуссатыттан Сэргэлээх күөлүгэр диэри кэрчигэ;
- Пригороднай сэлиэнньэтигэр Заречная, Новая, Тепличнэй уонна бөһүөлэк оскуолатыгар киирэр быһа охсуһуулар;
- Кангалаас бөһүөлэгэр муоста өрөмүөнэ;
- Бестужев-Марлинскай уулуссатыгар Богдан Чижик уулуссатыттан Кальвица уулуссатыгар диэри кэрчик (Федор Попов уулуссатыгар диэри 1-кы түһүмэх);
- «Берегиня» оҕо дьиэтигэр киирэр суол, Сэргэлээх суолун 5 км;
- Речниктэр уулуссаларын Бабушкин уулуссатыттан Рихард Зорге уулуссатыгар диэри кэрчигэ;
- Можайскай уулуссатын Пилоттар уулуссаларыттан Строд уулуссатыгар диэри кэрчигэ;
- Можайскай уулуссатын Севастопольскай уулуссаттан Өктөөп 50 сыла автострадаҕа диэри кэрчигэ;
- Марха бөһүөлэгэр Мелиоратордар уулуссалара;
- Кузьмин уулуссата (2-с учаастак);
- Кангалаас бөһүөлэгэр Ольховая уулусса;
- Рихард Зорге уулуссата;
- Иван Крафт уулуссатын Иван Кульбертинов уулуссатыттан Эргэ Покровскай трагар диэри кэрчигэ. 
Хаалбыт 6 эбийиэк:
- Птицефабрика түөлбэтигэр элбэх оҕолоохтор кыбаарталларыгар киирэр Хомустаах уулусса;
- Генерала Притузов уулуссата;
- Рыдзинскай уулуссатын Жорницкай уулуссатыттан Халтурин уулуссатыгар диэри кэрчигэ;
- «Тускул» түөлбэҕэ Сайдыы уулусса;
- «Севернай» кыбаарталга Макаренко уулуссата (2-с уочарата).
Санатар буоллахха, ааспыт 2023 сылга Дьокуускай куоракка 30 км суол оҥоһуллубута. «Куттала суох уонна хаачыстыбалаах суоллар» нацбырайыак үлэлиэҕиттэн уопсайа 164 км суол ирдэбилгэ сөп түбэһэр гына оҥоһулунна. Ол түмүгэр 2024 сыл бүтүүтэ куорат суолларын 80% үчүгэй туруктаныаҕа, диэн иһитиннэрэр Олохтоох дьаһалта пресс-сулууспата.