Тутааччыларга Роспотребнадзор саҥа ирдэбиллэри олохтуур

Коронавирус тарҕаныытын уодьуганныыр сыалтан, Роспотребнадзор тутуу эйгэтигэр үлэлиир тэрилтэлэргэ кэккэ сүбэлэри таһаарда.

Үлэһиттэр бэйэ-бэйэлэрин кытта ыкса алтыспаттарын туһугар, үлэлэрин көрүҥүнэн көрөн, тус-туспа биригээдэлэргэ, симиэнэлэргэ араарар тоҕоостоох.

Симиэнэ саҕаланыыта үлэһиттэр температураларын бэрэбиэркэлиир, илиилэрин антисептигынан обработкалыыр ирдэнэр.

Тутуу тэрилтэлэрин салалталара үлэһиттэрин биирдэ кэтиллэр медицинскэй мааскаларынан хааччыйыахтаахтар. Үлэлиир сиргэ аһыыр көҥүллэммэт. Аһыыр сиргэ илии суунар, дезинфекциялыыр усулуобуйа баар буолара ирдэнэр. Элбэх киһи тоҕуоруһар тэрээһиннэрин ыытыы бобуллар.

65-тэриттэн аҕа саастаах дьону үлэлэриттэн тохтотуллар. Таһырдьа тымныыга үлэлиир дьону, сэбиргэхтэппэттэрин туһугар, ичигэс таҥаһынан хааччыйыллыахтаах.

Тутуу тэрилтэлэрин салайааччылара үлэһиттэригэр тус гигиена, дезинфекция быраабылаларын билиһиннэриэхтээхтэр.

Сиһилии манна көр: https://якутск.рф/RPN.pdf