16.03.2022 | 18:00

Евгений Григорьев Октябрьскай уокурукка гражданнары кытта көрүстэ

Евгений Григорьев Октябрьскай уокурукка гражданнары кытта көрүстэ
Ааптар: Киин Куорат
Бөлөххө киир

Куорат баһылыга Евгений Григорьев кулун тутар 15 күнүгэр Октябрьскай уокурукка салайар хампаанньалар бэрэстэбиитэллэрин уонна олохтоохторун кытта көрүстэ. Бу туһунан Олохтоох дьаһалта пресс-сулууспата иһитиннэрдэ.
Мунньахха Саха Өрөспүүбүлүкэтин хапытаалынай өрөмүөҥҥэ Пуондатын генеральнай дириэктэрэ Владимир Ионин, «Горсвет» МУТ дириэктэрэ Максим Машков, «Куорат хаһаайыстыбатын үлэлэтэр сулууспа» МХТ салайааччыта Владимир Аммосов, территориялары кытта үлэҕэ Департамент начаалынньыга Владислав Слепцов, Октябрьскай уокурук Управатын салайааччыта Валентин Эверстов кыттыннылар.
Баһылыгы кытта тус көрсүһүүгэ кыһалҕаларын үллэстэ кэлбит дьон ортотугар Валентина Деркач баар. Кини Островскай уулуссатын 2-с нүөмэрдээх элбэх кыбартыыралаах дьиэ территориятын сырдатыы кыһалҕатын туруоруста. Дьиэ аттыгар массыына парковката, оҕо балаһааккалара бааллара этилиннэ. Итини сэргэ уокурук олохтооҕо канализация люгун суох оҥоруу, Ярославскай уулуссатыгар сатыы дьон туоруур сиригэр светофору туруоруу наадалааҕын ыйда. 
Куорат баһылыга гражданнар бары ыйытыктарын уонна көрдөһүүлэрин иһиттэ, хас биирдии ыйытыкка сүбэ-ама бэрилиннэ, инники үлэ былаана торумнанна. Евгений Григорьев гражданнар хас биирдии туруорсууларынан боротокуоллаах быһаарыылар ылыныллыахтара диэтэ. 
Салайар хампаанньалар бэрэстэбиитэллэрин кытта оробуочай көрсүһүүгэ куорат баһылыга Ленин проспегын 23-с нүөмэрдээх дьиэтин туругун, дьиэлэри гаас ситимигэр холбооһун кыһалҕатын, элбэх кыбартыыралаах дьиэлэр хапытаалынай  өрөмүөннэрин дьүүллэстэ. Итини сэргэ олохтоохтор төлөбүрдэргэ иэстэрин уонна көрүүтэ-истиитэ суох ситимнэр тула кэпсэтии барда. 
Куорат баһылыгын кытта тус көрсүһүүгэ сылдьарга эрдэттэн суруттарар ирдэнэр. Итиннэ Олохтоох дьаһалта гражданнары кытта үлэлиир салаатыгар баар кыһалҕаны толору ыйан туран сайабылыанньа ыытыллыахтаах, мобильнай эбэтэр стационарнай төлөппүөн нүөмэрин, эбэтэр электроннай почта аадырыһын суруйуллуохтаах. 
Тус көрсүһүүгэ суруйтарар сайабылыанньаны маннык ыытыахха сөп:
- Yakutsk@sakha.ru официальнай электроннай почтаҕа; 
- 40-80-76 төлөпүөнүнэн;
- почтовай аадырыска: Дьокуускай куорат, Ленин просп., 15;
-сайабылыанньаны тиксэрэр аадырыс: Дьокуускай куорат, Ленин просп., 15, 113 кэбиниэт, үлэ күнүгэр 9.00-тан 18.00 чааска диэри. Тохтобул – 13.00-тэн 14.00 чааска диэри.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...