Дьокуускайга «Кино на службе Отечеству» документальнай киинэ бэстибээлэ буолар

Ахсынньы 10-13 күннэригэр Дьокуускайга Арассыыйа Бэрэсидьиэнин култуура эйгэтигэр көҕүлээһиннэргэ пуондатын, Арассыыйа култууратын министиэристибэтин, Аҕа дойду буойуннарын дьиэ кэргэттэрин кэмитиэтин өйөбүлүнэн ыытыллар «Кино на службе Отечеству» көһө сылдьар бэстибээл буолаары турар.
Бэстибээл чэрчитинэн Дьокуускай куорат олохтоохторугар анал байыаннай дьайыы саҕаланыаҕыттан Арассыыйаҕа оҥоһуллубут документальнай киинэлэри көрөр, фронтовой режиссёрдары, айар бөлөхтөрү, поэттары, музыканнары кытта көрсөр кыах баар. 
Ол курдук, бырагыраамаҕа «Я иду Домой» (Андрей Ященко, Владислав Рыдков, Юлия Забарова), «Отважные. Сёстры» (Олеся Шигина) уонна «Отцы Донбасса» (Константин Зайцев) документальнай киинэлэр киирбиттэр. 
Бэстибээл киинэлэрин көрдөрөр балаһааккалар:
- Ю.А. Гагарин аатынан аныгы култуура уонна искусство киинэ;
- «Арассыыйа – мин историям» мультимедийнэй паарка;
- «Сосновый бор» оҕо лааҕыра;
- «Үлэ кыбаартала» креативнай кластер;
- орто анал уонна үрдүк үөрэх кыһалара.
Сиһилии тэрээһин саайтыгар билсиҥ: https://kinootechestvo.ru/.
Санатар буоллахха. «Кино на службе Отечеству» бэстибээл 2023 сылтан ыытыллыаҕыттан 47 региоҥҥа 280 тыһыынча көрөөччү 70 документальнай киинэни көрбүт. Быйылгы бэстибээл тиэмэтэ - «Служение», диэн иһитиннэрэр Ил Дархан уонна Бырабыыталыстыба пресс-сулууспата.