Дьэллик ыттары тутуунан сэттэ биригээдэ дьарыктанар

Дьокуускай куорат Олохтоох дьаһалтатын пресс-сулууспата иһитиннэрэринэн, дьэллик ыттары кытта осхуһуу салҕанар. 
Ол курдук, сыл саҕаланыаҕыттан анал биригээдэлэр күүстэринэн 2049 дьэлллик ыт тутуллубут буоллаҕына, ааспыт нэдиэлэҕэ – 53. Очиченко уулуссатыгар хараллан турар 828 ытынан «Помоги выжить» пуонда дьарыктанар.
Куорат уулуссаларыгар дьэлликтиир харамайдары тутуунан-хаайыынан барыта 7 биригээдэ дьарыктанар, ол иһигэр: 2 –  «Помоги выжить» аһымал пуонда гиэнэ, 3 – дьэллик кыыллары кытта үлэҕэ сулууспа биригээдэлэрэ, 2 – ИП «Огонеров».
Кинилэргэ управалар исписэлиистэринэн ыытыллар мониториннар,  ловушкалар көмөлөһөллөр. СӨ ветеринария департаменын кытта дьиэ кыылларын көрүү-харайыы быраабылаларын тутуһуунан бэрэбиэркэлиир эриэйдэлэр ыытыллаллар, буруйдаахтарга боротокуоллар толоруллаллар. 
Өскөтүн эһтиги ханнык эрэ биричиинэнэн дьиэтээҕи харамайгытын сүтэрбит буоллаххытына, Очиченко уул., 57 приюттан, 8924-870-00-67 төлөпүөнүнэн билсиэххитин сөп. Оттон уулуссаҕа бэйдиэ сылдьар дьиэ кыылын көрдөххүтүнэ, анал сулууспаларга биллэрэргитин умнумаҥ:
– Биир кэлим дьуһуурунай-диспетчерскэй сулууспа: +7 (4112) 44-42-51, 44-42-29;
– дьэллик харамайдары тутар бэдэрээтчит: +7 (924) 870-00-67;
– дьэллик харамайдары кытта үлэҕэ сулууспа : +7 (914) 301-65-54.